લગ્નમાં ડીજેના તાલ ઉપર ઝુમવાવાળા માટે લાલબત્તી સમાન કિસ્સો, આ યુવકને મળ્યું એવું મોત કે જાણીને ફફડી ઉઠશો !
દેશભરમાં હાલ કાળઝાળ ગરમી પડી રહી છે અને સાથે જ લગ્નનો માહોલ ચાલી રહ્યો છે, ત્યારે આવા લગ્નની અંદર લોકો ડાન્સની રમઝટ બોલાવતા હોય છે, ઘણીવાર ઘણા લોકો આવી કાળઝાળ ગરમી સહન નથી કરી શકતા જેના કારણે તે બીમાર પણ પડી જતા હોય છે તો ઘણીવાર કેટલાક લોકોને આવી ગરમીમાં જ હાર્ટ એટેક પણ આવી જતા હોય છે.
ત્યારે હાલ એવી જ એક ઘટના સામે આવી છે જેમાં ડીજેના ધૂન પર નાચતો એક વિદ્યાર્થી અચાનક હાંફી જતાં પડી ગયો હતો અને ત્યારબાદ તેનું મોત થયું હતું. પોસ્ટમોર્ટમ રિપોર્ટ દરમિયાન જાણવા મળ્યું છે કે વિદ્યાર્થીનું હાર્ટ ફેલ થઈ ગયું છે. હાર્ટ ફેલ થવાનું કારણ ડીજેના અવાજને ડોક્ટરો જણાવી રહ્યા છે. આ ખુબ જ ચોંકાવનારા સમાચાર છે. મૃતક વિદ્યાર્થી ઔદ્યોગિક તાલીમ સંસ્થા ITIનો વિદ્યાર્થી હતો.
ઉજ્જૈન નજીક નરેલા કલાન ગામમાં રહેતા 18 વર્ષના લાલ સિંહના પિતા વિક્રમ સિંહ તેના મિત્રના લગ્નમાં તાજપુર આવ્યો હતો. તાજપુરમાં વિજય સિંહ પરિહારની જગ્યાએ લગ્ન સમારોહ યોજાયો હતો. લગ્ન દરમિયાન ગામમાં વરઘોડો કાઢવામાં આવી રહ્યો હતો. આ વરઘોડામાં લાલસિંહે પણ ભાગ લીધો હતો. તે તેના મિત્રો સાથે ડીજેના તાલે ડાન્સ કરી રહ્યો હતો. આ દરમિયાન અચાનક તેની તબિયત લથડી હતી. તે હાંફી ગયો અને નીચે પડી ગયો. જ્યારે તેને હોસ્પિટલ લઈ જવામાં આવ્યો ત્યારે ડોક્ટરોએ તપાસ કર્યા બાદ તેને મૃત જાહેર કર્યો હતો.
ડોક્ટર જિતેન્દ્ર શર્માએ જણાવ્યું કે લાલ સિંહના પોસ્ટમોર્ટમ રિપોર્ટમાં તેમનું હાર્ટ ફેલ્યર સામે આવ્યું છે. આ પોતે ચોક્કસપણે આશ્ચર્યજનક છે. ડોક્ટર શર્માએ જણાવ્યું કે ક્યારેક ખૂબ જ જોરથી અવાજની પણ સીધી અસર હૃદય પર પડે છે. આનાથી હૃદયની નિષ્ફળતા પણ થાય છે. આ ઘટના બાદ લગ્ન પ્રસંગમાં શોકનું વાતાવરણ જોવા મળ્યું હતું. લાલ સિંહ ઔદ્યોગિક તાલીમ સંસ્થા ITI ના વિદ્યાર્થી હતા.
DJ में डांस करने वाले सावधान!
उज्जैन में शादी समारोह में डांस करने के दौरान 18 वर्षीय युवक की मौत.डीजे पर डांस करने के दौरान युवक को आया दिल का दौरा.डांस करते समय खुद के मोबाइल से बना रहा था वीडियो,#Ujjain #ViralVideo #Viral pic.twitter.com/Jen35dRXId— Monu Lodhi (@monu_lodh) May 6, 2022
લગ્ન સમારોહ દરમિયાન ડીજેની ધૂન પર નાચતા લાલ સિંહનો વીડિયો પણ વાયરલ થયો છે. આ ઘટનાથી લાલ સિંહના મિત્રો પણ આઘાતમાં છે. આ અંગે પાનવાસા પોલીસ સ્ટેશને ગુનો દાખલ કર્યો હતો. પનવાસા પોલીસ સ્ટેશનના પ્રભારી ગજેન્દ્ર પચોરિયાએ કહ્યું કે લાલ સિંહના મૃત્યુ અંગેના તમામ મુદ્દાઓ પર ચર્ચા કરવામાં આવી હતી, પરંતુ મેડિકલ રિપોર્ટમાં તેમનું મૃત્યુ હૃદય બંધ થવાથી થયું હોવાનું સામે આવ્યું છે.
