સરકારે PLI સ્કીમ જાહેર કરતા જ ઓટો સેક્ટરના શેરમાં આવી જોરદાર તેજી
બુધવારે ઓટો સેક્ટર માટે એક સારા સમાચાર આવ્યા, સરકારે ઓટો સેક્ટર માટે 26 હજાર કરોડની PLI સ્કીમની જાહેરાત કરી હતી. નિષ્ણાતોને આશા છે કે ઓટો ક્ષેત્રને આ યોજનાનો લાભ મળશે.
કેન્દ્રીય મંત્રી અનુરાગ ઠાકુરે કહ્યું કે સરકારે ભારતની ઉત્પાદન ક્ષમતા વધારવા માટે ઓટો ઉદ્યોગ, ઓટો-કમ્પોનન્ટ્સ ઉદ્યોગ અને ડ્રોન ઉદ્યોગ માટે ઉત્પાદન લિંક્ડ પ્રોત્સાહક યોજનાને મંજૂરી આપી છે. આ PLI યોજનામાં 26,058 કરોડ રૂપિયાનું બજેટ નક્કી કરવામાં આવ્યું છે, જેમાંથી 25,938 કરોડ રૂપિયા ઓટો ક્ષેત્ર માટે અને 120 કરોડ રૂપિયા ડ્રોન ઉદ્યોગ માટે છે.
પાંચ વર્ષ માટે અસરકારક રહેશે
ઓટો સેક્ટર માટે PLI યોજના નાણાકીય વર્ષ 23 થી પાંચ વર્ષ માટે અસરકારક રહેશે અને લાયકાત માપદંડ માટે આધાર વર્ષ 2019-20 રહેશે. કુલ 10 ઓટોમેકર્સ, 50 ઓટો કમ્પોનન્ટ ઉત્પાદકો અને પાંચ નવા નોન-ઓટોમોટિવ રોકાણકારોને આ યોજનાનો લાભ મળશે.
ઓટો શેરોમાં તેજી : આ સમાચારને કારણે તમામ ઓટો અને ઓટો કમ્પોનન્ટ કંપનીઓના શેરમાં મજબૂત તેજી આવી છે. નિફ્ટી ઓટો ઈન્ડેક્સ હાલમાં 0.25 ટકાનો વધારો દર્શાવે છે. બીજી બાજુ, ગઈકાલે તેમાં લગભગ 0.90 ટકાનો વધારો જોવા મળ્યો હતો. Tube Investments, Ashok Leyland, Tata Motors, Bharat Forge, Balkrishna Industries અને Bajaj Auto માં ગઇકાલના વેપારમાં 1-3.6 ટકાનો વધારો જોવા મળ્યો હતો.
Geojit Financial Servicesના વીકે વિજય કુમાર કહે છે કે ટેલિકોમ અને ઓટો સેક્ટર માટે ગઈકાલે કરેલી જાહેરાત આ ક્ષેત્રો માટે સંજીવનીનું કામ કરશે. આ સાથે ઓટો સેક્ટરમાં નવા રોકાણ આવતા જોવા મળશે. સુધારાની દિશામાં આ એક સાહસિક પગલું છે.
આ ક્ષેત્રમાં 42,500 કરોડ રૂપિયા સુધીનું નવું રોકાણ : Equity99 ના રાહુલ શર્મા પણ કહે છે કે ઓટો અને ઓટો કમ્પોનન્ટ ઉદ્યોગ માટે લાવવામાં આવેલી આ PLI યોજના આ ક્ષેત્રમાં 42,500 કરોડ રૂપિયાનું નવું રોકાણ લાવી શકે છે. આ સિવાય લગભગ 7.5 હજાર નવી નોકરીઓ પણ ઉપલબ્ધ થશે.
22 ઓટો કમ્પોનન્ટ્સ યોજના હેઠળ આવરી લેવામાં આવ્યા છે : સ્વસ્તિક ઇન્વેસ્ટમાર્ટના સંતોષ મીણા કહે છે કે 22 ઓટો ઘટકો આ યોજના હેઠળ આવરી લેવામાં આવ્યા છે. ફ્લેક્સ ફ્યુઅલ કિટ્સ, હાઇડ્રોજન ફ્યુઅલ સેલ્સ, હાઇબ્રિડ એનર્જી સ્ટોરેજ સિસ્ટમ્સ અને ચાર્જિંગ પોર્ટ્સ, ડ્રાઇવ ટ્રેનો, ઇલેક્ટ્રિક વેક્યુમ પંપ અને ઇલેક્ટ્રિક કોમ્પ્રેસર સહિત ઇલેક્ટ્રિક વાહનોના પાર્ટ સહિત કુલ 22 ઘટકો ઓટો કમ્પોનન્ટ પીએલઆઇ યોજનાથી લાભ મેળવશે.
આ ઉપરાંત, ઘટક PLI યોજનામાં સનરૂફ અને ઇલેક્ટ્રોનિક સ્થિરતા નિયંત્રણ પણ ઉમેરવામાં આવ્યું છે. પેટ્રોલ અને ડીઝલ એન્જિનના ઘટકો, એક્ઝોસ્ટ, આફ્ટર ટ્રીટમેંટ અને FIE સિસ્ટમ્સ અને ECU, ઓટોમેટિક ટ્રાન્સમિશન એસેમ્બલી અને ઇલેક્ટ્રોનિક પાવર સ્ટીયરિંગ સિસ્ટમ પણ આ યોજનાનો ભાગ છે. જો કે, આ યોજનાનો લાભ હવે માત્ર ઇલેક્ટ્રિક અને હાઇડ્રોજન ઇંધણ પર ચાલતા વાહનોને જ મળશે, જ્યારે પેટ્રોલ, ડીઝલ અને સીએનજી વાહન ઉત્પાદકોને આ યોજના હેઠળ આવરી લેવામાં આવશે નહીં. તેનું ધ્યાન અદ્યતન ઓટોમોટિવ ટેકનોલોજી પર રહેશે.
સંતોષ મીણા કહે છે કે આ યોજનાથી Jamna Auto, Varroc Engineering, GNA Axles, Pricol, Sona BLW, Motherson Sumi અને Minda Industries જેવા શેરોને ફાયદો થશે. અન્ય વિશ્લેષક અપરાજિતા સક્સેના કહે છે કે આ યોજનાથી મધરસન સુમી, મિન્ડા ઇન્ડસ્ટ્રીઝ અને લુમેક્સ ઇન્ડસ્ટ્રીઝ જેવા શેરોને ફાયદો થશે. આ પરિપ્રેક્ષ્યમાં, ઇક્વિટી 99 માટે રાહુલ શર્માની ટોચની પસંદગીમાં M&M, ટાટા મોટર્સ અને હીરો મોટોકોર્પનો સમાવેશ થાય છે.
IIFL સિક્યોરિટીઝના સંજીવ ભસીન કહે છે કે હાલમાં ઓટો સેક્ટર સેમિકન્ડક્ટર્સની માંગ-પુરવઠાની સમસ્યાનો સામનો કરી રહ્યું છે. પરંતુ PLI સ્કીમ સંબંધિત આ સમાચાર ઓટો સેક્ટર માટે સારા સમાચાર છે. 3 મહિનાના પરિપ્રેક્ષ્યમાં, ઓટો સેક્ટર ખૂબ સારું દેખાઈ રહ્યું છે. સંજીવ ભસીન હીરો મોટોકોર્પ, Bharat Forge and Boschને લઈને બુલિશ છે.
