આ વખતે એપલે સપ્ટેમ્બર પહેલા જ તેના ચાહકોને આશ્ચર્યચકિત કરી દીધા છે. કંપનીએ એક નવો આઈફોન લોન્ચ કર્યો છે. આ કંપનીનો સૌથી સસ્તો આઈફોન છે. જોકે આપણે iPhone 17 સિરીઝ માટે સપ્ટેમ્બર સુધી રાહ જોવી પડશે, પરંતુ આ દરમિયાન ભારતીય બજારનો એક સસ્તો iPhone આવી ગયો છે. ત્યારે, ચાલો જાણીએ કે ભારતમાં ફોનની કિંમત કેટલી હશે.
એપલે તમામ લીક્સ રિપોર્ટ્સ પર પૂર્ણવિરામ મૂકી દીધું છે અને એક નવું મોડેલ iPhone 16e લોન્ચ કર્યું છે, જ્યારે iPhone SE4 વિશે લીક્સ રિપોર્ટ્સ દરરોજ બહાર આવી રહ્યા હતા. iPhone 16e એ Appleનો એક એન્ટ્રી-લેવલ iPhone છે જે હાલમાં સૌથી ઓછી કિંમતનું નવું મોડેલ છે. પરંતુ ભારતીય બજારની દ્રષ્ટિએ તેને સસ્તો કહી શકાય નહીં, કારણ કે તેની કિંમત 50 હજાર રૂપિયાથી વધુ છે.
iPhone 16e કિંમત
iPhone 16e ત્રણ સ્ટોરેજ વિકલ્પોમાં ઉપલબ્ધ થશે – 128GB, 256GB અને 512GB. તેની શરૂઆતની કિંમત ₹59,900 રાખવામાં આવી છે. તેનું પ્રી-બુકિંગ 21મી ફેબ્રુઆરીથી શરૂ થશે અને તે 28મી ફેબ્રુઆરીથી વેચાણ માટે ઉપલબ્ધ થશે. ફોન બે રંગોમાં ઉપલબ્ધ હશે – બ્લેક અને વ્હાઇટ. તેની સાથે મેચ કરવા માટે વિવિધ રંગીન કેસ પણ ઉપલબ્ધ હશે. iPhone 16e સિલિકોન કેસ પાંચ રંગોમાં ₹3,900માં ઉપલબ્ધ થશે – વિન્ટર બ્લુ, ફ્યુશિયા, લેક ગ્રીન, બ્લેક અને વ્હાઇટમાં મળશે.
iPhone 16eની વિશિષ્ટતાઓ
iPhone 16eમાં 6.1-ઇંચ સુપર રેટિના XDR ડિસ્પ્લે આપવામાં આવી છે, જેમાં સિરામિક શિલ્ડ ફ્રન્ટ કવર અને મજબૂત બેક ગ્લાસ છે. એપલનો દાવો છે કે, તે કોઈપણ સ્માર્ટફોનના ગ્લાસ કરતા વધુ મજબૂત છે. ફોનમાં Appleની લેટેસ્ટ A18 ચિપ છે, જે iPhone 11ની A13 બાયોનિક ચિપ કરતા 80% જેટલી ઝડપી પર્ફોમન્સ આપે છે. તેમાં 6-કોર CPU અને 4-કોર GPU છે, જે ગ્રાફિક્સ-હેવી ટાસ્કને સરળતા સાથે હેન્ડલ કરી શકે છે. Apple એ iPhone 16e માં C1 મોડેમ આપ્યું છે, જે કંપનીનું પ્રથમ સ્વ-ડિઝાઇન કરેલ મોડેમ છે. તે સૌથી વધુ પાવર-એફિશિએન્ટ 5G મોડેમ છે, જે ઝડપી અને સ્થિર નેટવર્ક કનેક્ટિવિટી પ્રદાન કરે છે. iOS 18 અને A18 ચિપનું પાવર મેનેજમેન્ટ એકસાથે શાનદાર બેટરી લાઈફ પ્રદાન કરે છે. Appleનો દાવો છે કે iPhone 16e, iPhone 11 કરતા 6 કલાક વધુ બેટરી બેકઅપ આપે છે.
iPhone 16e કેમેરા
કેમેરા વિશે વાત કરીએ તો, તેમાં 48MPનો ફ્યુઝન કેમેરા આપવામાં આવ્યો છે, જેમાં 2x ટેલિફોટો લેન્સ પણ છે, જે ઓપ્ટિકલ ઝૂમ શક્ય બનાવે છે. iPhone 16e 60fps પર 4K ડોલ્બી વિઝનમાં વીડિયો રેકોર્ડ કરી શકે છે. વધુમાં તે અવકાશી ઓડિયો રેકોર્ડિંગને પણ સપોર્ટ કરે છે, જે એરપોડ્સ, એપલ વિઝન પ્રો અથવા હોમ થિયેટર સિસ્ટમ પર શ્રેષ્ઠ ઓડિયો અનુભવ પ્રદાન કરે છે. iPhone 16e એ Appleની સેટેલાઇટ સુવિધાઓ પણ આપવામાં આવી છે, જેનાથી ઇમરજન્સી SOS, રોડસાઇડ આસિસ્ટન્સ, મેસેજીસ અને Find My જેવી સુવિધાનો ઉપયોગ કરી શકાય છે.
એપલ ઇન્ટેલિજન્સ સાથે અન્ય ફીચર્સ
iPhone 16e એ Appleની Apple Intelligence AI સિસ્ટમ માટે ડિઝાઇન કરવામાં આવ્યો છે. તેમાં 16-કોર ન્યુરલ એન્જિન આપવામાં આવ્યું છે, જે A13 Bionic કરતા 6 ગણું ઝડપી મશીન લર્નિંગ પરફોર્મન્સ આપે છે. Apple ઇન્ટેલિજન્સ સાથે, ક્લીન અપ ટૂલ યુઝર્સને ફોટામાંથી અનિચ્છનીય ઓબ્જેક્ટ્સને દૂર કરવામાં મદદ કરે છે. ઇમેજ પ્લેગ્રાઉન્ડ અને જેનમોજી જેવા ટૂલ્સ ક્રિએટિવ એક્સપ્રેશનને સરળ બનાવે છે. Writing Tools અને ChatGPTને Siriમાં ઈન્ટીગ્રેટ કરવામાં આવી છે, જેનાથી વાતચીત વધુ નેચરલ બની જાય છે. iPhone 16e ને IP68 વોટર અને ડસ્ટ રેઝિસ્ટન્સ રેટિંગ મળ્યું છે. તેમાં Face ID, એક નવું એક્શન બટન, વાયરલેસ અને USB-C ચાર્જિંગ સપોર્ટ આપવામાં આવ્યું છે. એપ્રિલમાં યુઝર્સ iPhoneની પ્રાથમિક ભાષા બંગાળી, ગુજરાતી, કન્નડ, મલયાલમ, મરાઠી, ઉડિયા, પંજાબી, તમિલ, તેલુગુ અથવા ઉર્દૂમાં બદલી શકશે.
