મહારાષ્ટ્રના બારામતીમાં એક વિમાન દુર્ઘટનામાં મહારાષ્ટ્રના ડેપ્યુટી સીએમ અજિત પવારનું અવસાન થયું છે. આ ઘટનાનો CCTV વીડિયો પણ સામે આવ્યો છે, જેમાં પ્લેન આગનો ગોળો બનતું જોવા મળી રહ્યું છે. આ દ્રશ્ય હૃદયદ્રાવક છે. નોંધનીય છે કે આ વિમાન દુર્ઘટનામાં અજિત પવાર સહિત કુલ 5 લોકોના મોત થયા છે.પ્લેન ક્રેશ ત્યારે થયું જ્યારે ડેપ્યુટી સીએમ અજિત પવારનું પ્લેન પૂણેના બારામતી વિસ્તારમાં લેન્ડિંગ કરી રહ્યું હતું. આગને કારણે પ્લેન સંપૂર્ણપણે નાશ પામ્યું હતું. વિમાનમાં કુલ 5 લોકો સવાર હતા, જેમાંથી એક અજિત પવાર હતા.
પ્લેનમાં અજીત સિવાય એક બોડીગાર્ડ, એક કેબિન ક્રૂ અને 2 કેપ્ટન હતા. આ દુર્ઘટનામાં વિમાનમાં સવાર તમામ પાંચ લોકોના મોત થયા હતા.આ ઘટના આજે સવારે લગભગ 8:45 વાગ્યે બારામતી એરપોર્ટ પુણે જિલ્લો ખાતે બની હતી. તે એક ખાનગી ખાનગી ચાર્ટર પ્લેન હતું, જે અકસ્માતનો ભોગ બન્યું હતું. પ્રાથમિક માહિતી મુજબ વિમાન મુંબઈથી બારામતી જઈ રહ્યું હતું. લેન્ડિંગ દરમિયાન પાયલોટે નિયંત્રણ ગુમાવ્યું હતું. પ્લેન એક ખડક સાથે પણ અથડાયું, ત્યારપછી પ્લેનના ટુકડા થઈ ગયા અને આગ લાગી.અજિત પવાર આગામી જિલ્લા પરિષદની ચૂંટણીના પ્રચાર માટે મુંબઈથી બારામતી આવ્યા હતા.
તેઓ આજે સવારે જ મુંબઈથી બારામતી જવા રવાના થયા હતા. અજિત પવારના નિધનને કારણે મહારાષ્ટ્રમાં 3 દિવસનો રાજ્ય શોક જાહેર કરવામાં આવ્યો છે. સીએમ ફડણવીસે પણ તેમના નિધન પર શોક વ્યક્ત કર્યો છે.સીએમ ફડણવીસે તેમના X હેન્ડલ પર પોસ્ટ કરીને લખ્યું:”દાદા ચાલ્યા ગયા! એક જમીન સાથે જોડાયેલા નેતા, મારા મિત્ર અને સાથી, ડેપ્યુટી ચીફ મિનિસ્ટર અજિત દાદા પવારનું પ્લેન ક્રેશમાં નિધન અત્યંત હૃદયદ્રાવક છે. આ ઘટના દિલ તોડી નાખનારી છે. મારું મન સુન્ન થઈ ગયું છે. મારી સંવેદનાઓ વ્યક્ત કરવા માટે મારી પાસે શબ્દો નથી.”તેમણે વધુમાં કહ્યું, “મેં મારા મજબૂત અને સારા મિત્રને ગુમાવ્યા છે. આ મારા માટે વ્યક્તિગત નુકસાન છે. આ એક એવી ખોટ છે જે ભરપાઈ કરી શકાતી નથી. મહારાષ્ટ્ર માટે આજનો દિવસ ખૂબ જ મુશ્કેલ છે. હું દાદાને મારી હૃદયપૂર્વકની શ્રદ્ધાંજલિ અર્પણ કરું છું. અમે તેમના સમગ્ર પરિવાર અને NCP પરિવારના દુઃખમાં સામેલ છીએ. આ અકસ્માતમાં 5 વધુ લોકો મૃત્યુ પામ્યા છે. અમે તેમના પરિવારના દુઃખમાં પણ સામેલ છીએ.”
CCTV footage of the collision impact of the chartered aircraft, carrying Maharashtra deputy CM Ajit Pawar and 4 others, which crash landed. pic.twitter.com/vf9X7TGffJ
— Believer (@PredatorVolk) January 28, 2026
