ઘરની અંદર એક નાની એવી ગરોળી નીકળી તો આપણે ડરી જતા હોઈએ છીએ, પરંતુ જો તમારી ગાડીની નીચેથી 10 ફૂટ લાંબો મગર નીકળે તો ? આવી તો કલ્પના પણ ના કરી શકાય, પરંતુ આ હકીકત બની છે.
આ ઘટના બની છે અમેરિકાના ફ્લોરિડામાં. જ્યાં મગર દેખાવવા સામાન્ય બાબત માનવામાં આવે છે. પરંતુ કોઈએ સપનામાં પણ નહોતું વિચાર્યું કે મગર પાર્કિંગમાં ગાડીની નીચે આવીને બેસી ગયો હતો. આ ઘટનાનો વીડિયો પણ સોશિયલ મીડિયામાં ખુબ જ વાયરલ થઇ રહ્યો છે. જેને જોઈને લોકો પણ ચોંકી ઉઠ્યા છે.
રિપોર્ટ પ્રમાણે આ મામલો ફ્લોરિડાના ટમ્પા શહેરનો છે. જ્યાં એક 10 ફૂટ લાંબા મગરને પાર્કિંગમાં ઉભેલી કારની નીચે જોઈને લોકોમાં હડકંપ મચી ગયો હતો. એબીસીના રિપોર્ટ પ્રમાણે આ ઘટના એક એપાર્ટમેન્ટના કોમ્લેક્સની છે. જયારે સ્થાનિક લોકોએ મગરને જોયો તો તેમને મામલાની સૂચના તરત જ સંબધિત અધિકારીઓને આપી દીધી.
આ મામલાની જાણ થતા તરત જ “હિલ્સબોરો કાઉંટી શેરીફ અફીસ”ના ઓફિસર ઘટના સ્થળ ઉપર પહોંચ્યા અને મગરને શોધી લીધો. જયારે તેમને તેને માપ્યો ત્યારે તેની સાઈઝ 10 ફૂટ 2 ઇંચ મળી આવી. જુઓ તમે પણ આ મગરનો વાયરલ વીડિયો.
Let these Tampa officials show you how to get a 10-foot alligator out from under your car. https://t.co/FaRxO8ZoFf pic.twitter.com/TGkhyHDhXB
— ABC News (@ABC) April 7, 2021
