બરાબરની ફસાઈ રહી છે પૂનમ પાંડે, મુંબઈના વ્યક્તિએ 100 કરોડનો માનહાની કેસ કર્યો દાખલ, પતિની પણ વધી મુશ્કેલીઓ, જાણો સમગ્ર મામલો
₹100 crore defamation case against Poonam : બૉલીવુડ અભિનેત્રી અને મોડલ પૂનમ પાંડેએ પોતાના મોતની ખોટી ખબર ફેલાવીને ચર્ચાનો માહોલ ગરમ કર્યો હતો. તેને ઇન્સ્ટાગ્રામ પર પોસ્ટ કરીને જણાવ્યું હતું કે સર્વાઈકલ કેન્સરના કારણે તેનું મોત થયું અને બીજા દિવસે એક વીડિયો શેર કરીને કેન્સર માટે જાગૃતિ લાવવા તેને આમ કર્યું હોવાનું જાહેર કરતા જ લોકો પણ તેના આ કામથી ગુસ્સે ભરાયા હતા. હવે પૂનમ પાંડે અને તેના પતિ સેમ બોમ્બે તેના મૃત્યુના ખોટા સમાચાર ફેલાવીને મુશ્કેલીમાં મુકાયા હોય તેવું લાગી રહ્યું છે.
100 કરોડનો માનહાની કેસ દાખલ :
મુંબઈના રહેવાસી ફૈઝાન અંસારીએ કાનપુર પોલીસ કમિશનર સામે 100 કરોડ રૂપિયાનો માનહાનિનો કેસ દાખલ કર્યો છે. પોતાની એફઆઈઆરમાં ફૈઝાન અંસારીએ આરોપ લગાવ્યો છે કે પ્રસિદ્ધિ મેળવવા માટે પૂનમ પાંડે અને તેના પતિ સેમ બોમ્બેએ કેન્સર જેવી ગંભીર બીમારી અંગે લોકોની ગંભીરતા ઓછી કરી છે અને તેમના મૃત્યુના ખોટા સમાચારનું નાટક રચ્યું છે. ફૈઝાને લખ્યું છે કે પૂનમ પાંડેએ પોતાની હરકતોથી ન માત્ર કરોડો ભારતીયોનો વિશ્વાસ તોડ્યો છે પરંતુ બોલિવૂડના અસંખ્ય લોકોની છબી પણ ખરાબ કરી છે.
તાત્કાલિક ધરપકડ કરવા અપીલ :
કારણ કે પૂનમ પાંડે કાનપુરની રહેવાસી છે, ફૈઝાને લખ્યું છે કે તે પોતે સિવિલ લાઇન્સ કાનપુર કોર્ટમાં પહોંચી રહ્યો છે અને પૂનમ અને તેના પતિ સેમ બોમ્બે વિરુદ્ધ 100 કરોડ રૂપિયાનો માનહાનિનો કેસ દાખલ કરી રહ્યો છે, જેની એક નકલ તેણે કાનપુર પોલીસ કમિશનરને પણ આપી છે. . છે. ફૈઝાને તેની એફઆઈઆર કોપીમાં પૂનમ પાંડે સામે તાત્કાલિક ધરપકડ વોરંટ જારી કરવાની અપીલ કરી છે.
AICW એ આપ્યો હતો ઠપકો :
પૂનમ પાંડેના મૃત્યુનો ડ્રામા સમાપ્ત થયા પછી, AICW એ અભિનેત્રીને ઠપકો પણ આપ્યો હતો. ઓલ ઈન્ડિયા સિને વર્કર્સ એસોસિએશને એક નિવેદન જારી કરીને અભિનેત્રી વિરુદ્ધ એફઆઈઆર નોંધવાની અપીલ કરી હતી. સેલિબ્રિટીઓથી લઈને ડોકટરો અને રાજકારણીઓ સુધી, પૂનમ પાંડેએ આ પબ્લિસિટી સ્ટંટની નિંદા કરી હતી અને તેના સારા મિત્ર મુનવર ફારૂકીએ કહ્યું હતું કે આ રીતે જાગૃતિ ફેલાતી નથી.
