દરેક માતા પિતા માટે તેમનુ સંતાન તેમના માટે ખાસ હોય છે, બાળક નાનેથી મોટું થાય ત્યા સુધીની દરેક જવાબદારી માતા પિતા સ્વીકારે છે અને એક શ્રેષ્ઠ જીવન તેમના સંતાનોને આપે છે. પરંતુ જ્યારે સંતાનોને પરત આપવાનો સમય આવે છે ત્યારે આજના સમયમાં ઘણા સંતાનો પાછા પણ પડતા હોય છે, ઘણા સંતાનો એવા પણ હોય છે જે પોતાના માતા પિતાને દુનિયાભરની ખુશીઓ આપવા માંગતા હોય છે. તે બતાવવા માંગે છે કે હવે તે બનવા માટે સક્ષમ છે જે તેમને ખુશ રાખી શકે છે અને દરેક ઈચ્છાઓ પૂરી કરી શકે છે.
તેઓ તેમના માતા-પિતાને ગૌરવ અપાવવા માંગે છે અને આવું જ કંઈક એક વિડિયોમાં જોવા મળ્યું જ્યારે એક પુત્ર અચાનક તેના માતા-પિતાને ફ્લાઈટમાં મળ્યો. એર અરેબિયામાં નોકરી કરતા આ પાયલોટે તેના માતા-પિતાના ચહેરા પર મોટું સ્મિત લાવ્યું. પાયલોટ તેના માતા-પિતાને રાજસ્થાનના જયપુરમાં તેમના ઘરે લઈ ગયો. માતા-પિતા તેમની ફ્લાઈટમાં ચડી ગયા પરંતુ તેમને ખબર ન હતી કે તેમનો પુત્ર પ્લેન ઉડાડવા જઈ રહ્યો છે.
પાયલટ કમલ કુમારે આ સમગ્ર ઘટનાને પોતાના ઈન્સ્ટાગ્રામ પેજ પર શેર કરી છે. વીડિયોની શરૂઆત તેની માતા પ્લેનમાં પ્રવેશી તેના પુત્રને શોધી રહી છે. તેણી થોડીવાર થોભી જાય છે અને તેનો હાથ પકડીને ખુશીથી હસે છે. ક્લિપમાં પાઈલટના પરિવારના સભ્યો સાથે કોકપીટની અંદર બેઠેલા ચિત્રો પણ બતાવવામાં આવ્યા છે. વીડિયોમાં લખવામાં આવ્યું છે કે, “ફ્લાઇટમાં પરિવારને આશ્ચર્ય થયું છે અને તેમને ઘરે લઈ જઈ રહ્યા છે.’ તેણે કેપ્શન સાથે વીડિયો શેર કર્યો, ‘જ્યારથી મેં ઉડવાનું શરૂ કર્યું ત્યારથી હું આની રાહ જોઈ રહ્યો હતો અને આખરે મને તેને જયપુર પરત ઘરે લઈ જવાનો મોકો મળ્યો. તે સારી લાગણી છે.”
View this post on Instagram
આ ક્લિપને ઇન્સ્ટાગ્રામ પર અત્યાર સુધીમાં 92,000 થી વધુ લાઇક્સ મળી ચૂકી છે અને હજુ પણ ચાલુ છે. લોકોએ કોમેન્ટ બોક્સને હૃદયસ્પર્શી જવાબોથી ભર્યા અને શેર કર્યા કે આ વીડિયો તેમને કેટલો ખુશ કરે છે. વીડિયો જોયા બાદ એક યુઝરે લખ્યું, ‘દરેક મહત્વાકાંક્ષી પાયલોટનું સપનું.’ અન્ય યુઝરે લખ્યું, ‘બેસ્ટ ફીલિંગ એવર.’ ત્રીજા યુઝરે લખ્યું, ‘આજે પણ એ દિવસ યાદ છે જ્યારે માતા પહેલીવાર ફ્લાઈટમાં બેઠી હતી. તે એક અદ્ભુત બાબત છે.’
