Shukra Nakshatra Parivartan: જ્યોતિષમાં શુક્ર ગ્રહને સુખ, સમૃદ્ધિ, વૈભવ અને પ્રેમનો કારક માનવામાં આવે છે. જ્યારે આ ગ્રહ ચંદ્રના સ્વામિત્વવાળા નક્ષત્રમાં પ્રવેશ કરે છે ત્યારે તેનો પ્રભાવ જાતકોના જીવનમાં ખાસ અસર કરતો હોય છે. દ્રિક પંચાંગ મુજબ 17 ઓક્ટોબર 2025ના રોજ બપોરે 12:25 વાગ્યે શુક્ર ગ્રહ હસ્ત નક્ષત્રમાં ગોચર કરશે. આ ગોચર ત્રણ રાશિઓ માટે અત્યંત શુભ સાબિત થઈ શકે છે. ખાસ કરીને આ સમય દરમિયાન તેમને ધનનો લાભ, માનસિક શાંતિ અને પ્રેમ જીવનમાં સફળતા મળવાની શક્યતા રહેશે.
વૃષભ: રાશિના જાતકો માટે આ ગોચર સુખદ પરિસ્થિતિ લાવનાર સાબિત થશે. ઓક્ટોબરના મહિના દરમિયાન તેમના અટકેલા કામ પૂર્ણ થવાની સાથે કાર્યક્ષેત્રે પ્રગતિ થશે. પ્રમોશન અથવા મહત્વપૂર્ણ સિદ્ધિની તક તેમને પ્રાપ્ત થઈ શકે છે. માનસિક રીતે પણ તેઓ સંતોષ અનુભવશે અને તેમના સંબંધોમાં સ્થિરતા આવશે. જે જાતકો સિંગલ છે, તેમને આ સમયગાળામાં જીવનસાથી મળવાની સંભાવના ઊભી થશે.
કર્ક: રાશિના જાતકો માટે પણ આ ગોચર ખાસ લાભદાયક બની શકે છે. તેમને ભૌતિક સુખ અને માનસિક મજબૂતી મળશે. વિરોધીઓ તરફથી મળતી મુશ્કેલીઓ ઓછી થશે અને તેના બદલે પ્રશંસા અને સહકાર વધશે. વેપારીઓ માટે નફાની તકો ઉભી થશે જ્યારે વિદ્યાર્થીઓ તેમના લક્ષ્યો તરફ આગળ વધવામાં સફળતા મેળવશે. સમાજમાં માન-સન્માન સાથે વ્યક્તિગત સંબંધોમાં પ્રેમ અને સમજણ વધશે.
ધન: રાશિના જાતકોને આ ગોચર ખાસ રાહત આપશે. લાંબા સમયથી અટકેલા પૈસા પાછા મળવાની શક્યતા રહેશે, જ્યારે વ્યવસાયમાં નફો થશે. જૂના મિત્રો કે પ્રિયજનો સાથે મુલાકાત થવાથી ભાવનાત્મક સ્તરે ખુશી મળશે. સ્પર્ધાત્મક પરીક્ષાઓની તૈયારી કરતા વિદ્યાર્થીઓ માટે પણ આ સમય એકાગ્રતા વધારનાર સાબિત થશે. માનસિક તણાવ દૂર થશે અને આત્મવિશ્વાસમાં વધારો થશે.
આ રીતે, શુક્રનો હસ્ત નક્ષત્રમાં ગોચર ત્રણેય રાશિઓ માટે મહત્વપૂર્ણ ફેરફારો લાવનાર સાબિત થશે. કોઈને ધનનો ખજાનો મળશે, તો કોઈને સંબંધોમાં નવી તાજગીનો અનુભવ થશે. આ સમય તેમના માટે સફળતા અને સમૃદ્ધિથી ભરપૂર બની શકે છે.
(Disclaimer: ઉપરોક્ત માહિતી માન્યતા અને જાણકારીઓ તેમજ જ્યોતિષીય પર આધારિત છે, ગુજ્જુરોકસ આની પુષ્ટિ કરતુ નથી.)
