ચંદ્રયાન-3ના લેંડરથી રોવર બહાર આવવાનો વીડિયો: ચંદ્રમાની સપાટી પર અડધો કિમી ફરશે, 23 ઓગસ્ટે થયુ હતુ લેંડિંગ
Pragyan rover comes out of Vikram lander : ઈસરોએ શુક્રવારે ચંદ્રયાન-3 લેન્ડરમાંથી બહાર આવતા છ પૈડાવાળા અને 26 કિલોના પ્રજ્ઞાન રોવરનો પહેલો વીડિયો શેર કર્યો છે, જે સોશિયલ મીડિયા પર વાયરલ થઈ રહ્યો છે. વીડિયોમાં ‘ચંદ્રયાન-3’નું રોવર વિક્રમ લેન્ડર ચંદ્રની સપાટી પર ચાલતું જોવા મળે છે. તમે તેના પગના નિશાન પણ સ્પષ્ટ જોઈ શકો છો. હવે આ ક્લિપ સોશિયલ મીડિયાના તમામ પ્લેટફોર્મ પર શેર કરવામાં આવી રહી છે, જેને જોઈને દરેક ભારતીયનું સીન ગર્વથી ફૂલી ગયું છે.
ચંદ્રયાન-3 રોવરનો વીડિયો વાયરલ
કેટલાક યુઝર્સે લખ્યું કે તમામ યુઝર્સે આ દ્રશ્યને અદ્ભુત અને અકલ્પનીય ગણાવ્યું, તો કેટલાક લોકોએ મજામાં લખ્યું- થોડા ધીરે ચાલો, સામે ખાડો છે. વીડિયોમાં ચંદ્રના દક્ષિણ ધ્રુવ પર ‘ચંદ્રયાન-3’ના સફળ લેન્ડિંગ બાદ પ્રજ્ઞાન રોવર ખૂબ જ આરામથી ચંદ્રની સપાટી પર ઉતરે છે અને તેના ટાયરના નિશાન બનાવીને આગળ વધે છે.
ખૂબ જ આરામથી ચંદ્રની સપાટી પર ઉતર્યુ
રોવરની સોલાર પેનલ ઉંચી જોવા મળે છે. એટલે કે તેણે સૂર્યમાંથી ઉર્જા લઈને કામ શરૂ કર્યું છે! સાચે, આ નઝારો ખૂબ જ અદ્ભૂત છે. ચંદ્રની સપાટી પર આવતાની સાથે જ રોવરે સૌપ્રથમ તેની સૌર પેનલ ખોલી હતી. તે 1 સેમી પ્રતિ સેકન્ડની ઝડપે આગળ વધે છે અને તેની આસપાસની વસ્તુઓને સ્કેન કરવા માટે નેવિગેશન કેમેરાનો ઉપયોગ કરે છે.
ભારતના રાષ્ટ્રીય પ્રતીક અશોક સ્તંભ અને ISROના લોગોની છોડી છાપ
રોવર 12 દિવસમાં લેન્ડરની આસપાસ અડધો કિમી ફરશે. પ્રજ્ઞાન રોવરના પાછળના બે પૈડામાં ભારતના રાષ્ટ્રીય પ્રતીક અશોક સ્તંભ અને ISROનો લોગો છે. જલદી જ રોવર ચંદ્ર પર ઉતર્યું અને તેના પૈડાંએ ચંદ્રની સપાટી પર આ પ્રતીકોની છાપ છોડી. રોવર પાસે બે પેલોડ પણ છે જે પાણી અને અન્ય કિંમતી ધાતુઓની શોધ કરશે.
… … and here is how the Chandrayaan-3 Rover ramped down from the Lander to the Lunar surface. pic.twitter.com/nEU8s1At0W
— ISRO (@isro) August 25, 2023
