ગુજરાતી અભિનેત્રી નેહલ વડોલિયા આજે કોઈ ઓળખની મોહતાજ નથી. ‘તારક મહેતા કા ઉલ્ટા ચશ્મા’માં બબીતાજીની ખાસ દોસ્તના પાત્રમાં જોવા મળેલી આ અભિનેત્રી આજે તેની બોલ્ડ અને ગ્લેમરસ છબીને કારણે સોશિયલ મીડિયા પર ચર્ચામાં રહે છે. જોકે, આ ગ્લેમરની દુનિયા પાછળ કેટલાય કાળા રહસ્યો છુપાયેલા છે, જેનો ખુલાસો તાજેતરમાં પોતે નેહલ વડોલિયાએ કર્યો છે.
પોડકાસ્ટમાં ખોલી ઈન્ડસ્ટ્રીની પોલ તાજેતરમાં એક પોડકાસ્ટ દરમિયાન નેહલે ઈન્ડસ્ટ્રીમાં પોતાની સાથે બનેલી એક અત્યંત ખરાબ ઘટના વિશે વાત કરી હતી. તેણે જણાવ્યું કે, લોકો તેના બોલ્ડ લુકને કારણે તેને જજ કરે છે અને તેની સાથે રિયલ લાઈફમાં પણ અલગ વર્તન કરે છે.
શું હતી તે ચોંકાવનારી ઘટના? નેહલે કોઈનું નામ લીધા વગર ઈન્ડસ્ટ્રીના એક ખૂબ જ પ્રખ્યાત અને મોટી ઉંમરના એક્ટર વિશે વાત કરતા કહ્યું, “એક સર જે હંમેશા ચશ્મા અને મફલરમાં જોવા મળે છે, તેમણે મને તેમના મેનેજરની પાર્ટીમાં આમંત્રણ આપ્યું હતું. ત્યારબાદ તેમણે મને ઘરે બોલાવી. ત્યાં તેમણે મને ડ્રિંક પીવડાવ્યું અને પછી બાલ્કનીમાં લઈ ગયા.”
અભિનેત્રીએ આગળ જણાવ્યું કે, તે એક્ટર મુંબઈ બતાવવાના બહાને તેની ખૂબ જ પ્રશંસા કરવા લાગ્યા અને તેમની વાતો સાંભળીને તે પોતે સ્તબ્ધ થઈ ગઈ હતી. જે વ્યક્તિની છબી પબ્લિકમાં ખૂબ જ સારી છે, તે આવું વર્તન કરી શકે તે વાત પર ભરોસો કરવો મુશ્કેલ હતો.
લિપ્સ પર કિસ કરવાનો કર્યો પ્રયાસ નેહલે વધુ વિગતો આપતા કહ્યું, “મારો એક જ ટાર્ગેટ હતો કે હું ગમે તેમ કરીને ત્યાંથી જલ્દી બહાર નીકળી જાઉં. હું નીકળું તે પહેલાં જ તે વ્યક્તિએ મને લિપ્સ પર સ્મૂચ (કિસ) કરવાનો પ્રયાસ કર્યો હતો, ત્યારે મેં મારું મોં ફેરવી લીધું હતું.”
નેહલ વડોલિયાની વર્તમાન કારકિર્દી આ ઘટના બાદ નેહલ વધુ સાવધ બની ગઈ છે. આજે નેહલ ઇન્સ્ટાગ્રામ અને અન્ય એપ્સના માધ્યમથી સારી એવી કમાણી કરી રહી છે. તે પોતાની ગ્લેમરસ તસવીરો અને વીડિયો દ્વારા ફેન્સ વચ્ચે ખૂબ જ લોકપ્રિય છે. આ કિસ્સાએ ફરી એકવાર મનોરંજન જગતની કાસ્ટિંગ કાઉચ અને હાઈ-પ્રોફાઈલ લોકોની માનસિકતા પર સવાલો ઉભા કર્યા છે.
