બોલિવૂડ એક્ટ્રેસ મંદાના કરીમી ઘણી સુપરહિટ ફિલ્મોમાં જોવા મળી છે. તેણે 2015માં રિલીઝ થયેલી ફિલ્મ ‘રોય’ થી બોલિવૂડમાં પ્રવેશ કર્યો. જણાવી દઈએ કે મુસ્લિમ હોવા છતાં મંદાના કરીમીએ તેના હિન્દુ બોયફ્રેન્ડ ગૌરવ ગુપ્તા સાથે લગ્ન કર્યા. પરંતુ લગ્ન પછી તે સંપૂર્ણપણે બદલાઈ ગયો અને આ પછી તે ગૌરવથી હંમેશા માટે અલગ થઈ ગઈ. જો કે જ્યારે મંદાના કરીમી કંગના રનૌતના શો ‘લોકઅપ’માં જોવા મળી ત્યારે તેણે પોતાના લગ્ન વિશે એક ચોંકાવનારો ખુલાસો કર્યો હતો.
મંદાનાએ કંગના રનૌતના શો લોકઅપમાં જણાવ્યું હતું કે તેણે 27 વર્ષની ઉંમરે તેના બોયફ્રેન્ડ ગૌરવ ગુપ્તા સાથે લગ્ન કર્યા હતા. જો કે, લગ્નના થોડા મહિના પછી તેઓ અલગ રહેવા લાગ્યા. મીડિયા રિપોર્ટ્સ અનુસાર, મંદાના કરીમીએ ગૌરવ ગુપ્તાને અઢી વર્ષ સુધી ડેટ કર્યુ અને ડેટિંગ પછી બંનેએ સગાઈ કરી અને 7 મહિનાની સગાઈ પછી બંનેએ લગ્ન કરી લીધા.
મંદાના કરીમીએ જણાવ્યું હતું કે લગ્ન પછી તરત જ તે અને ગૌરવ અલગ રહેવા લાગ્યા, અને વર્ષ 2021માં તેમના છૂટાછેડા થઈ ગયા. અભિનેત્રી મંદાના કરીમીએ વધુમાં જણાવ્યું કે લગ્ન પછી તેના પતિ ગૌરવ ગુપ્તાનું પાત્ર ખૂબ જ ઢીલું થઈ ગયું હતું અને તે તેની બધા મિત્રો સાથે સૂતો હતો. એટલું જ નહીં, અભિનેત્રીના સાસરિયાઓએ પણ તેને ખૂબ હેરાન કરવાનું શરૂ કર્યું.
લગ્ન પહેલા તેના સાસરિયાઓ તેને ખૂબ ટેકો આપતા હતા પરંતુ લગ્ન પછી તેમનું પણ વલણ ઘણુ બદલાઈ ગયુ હતુ. તે અભિનેત્રીને મંદિરમાં જઈને પૂજા કરવા અને સલવાર કમીઝ પહેરવાનું કહેતા. આ ઉપરાંત, મંદાના કરીમીએ જણાવ્યું કે તેના સાસરિયાઓ તેને એકલી બહાર જવા દેતા નહોતા અને તેના પર કારકિર્દી છોડવાનું દબાણ કરી રહ્યા હતા.
આ કારણે તે લગ્નના 6 મહિના પછી જ પતિ ગૌરવ ગુપ્તાથી અલગ રહેવા લાગી હતી. જણાવી દઈએ કે મંદાના અને ગૌરવના લગ્ન 25 જાન્યુઆરી 2017માં થયા હતા.કોર્ટ મેરેજ પછી મિત્રો અને પરિવારની હાજરીમાં હિન્દુ રીતરિવાજ મુજબ પણ લગ્ન કર્યા. જો કે, લગ્નને માંડ છ મહિના થયા હતા ત્યારે અભિનેત્રીએ તેના પતિ ગૌરવ અને તેના સાસરિયાઓ સામે ઘરેલુ હિંસા અને માનસિક ત્રાસનો કેસ દાખલ કર્યો.
જો કે પાછળથી તેણે કેસ પાછો ખેંચી લીધો, ગૌરવ આ મામલામાં પાછા ફરવા માંગતો ન હતો. ચાર વર્ષ અલગ રહ્યા બાદ આખરે 2021માં આ કપલે છૂટાછેડા લઇ લીધા. મંદાનાએ એવો પણ આરોપ લગાવ્યો કે લગ્ન માટે તેને ધર્મ પરિવર્તન કરાવવા માટે દબાણ કરવામાં આવ્યું હતું.
