પુણેના લોનાવલામાં અશ્લીલ વીડિયો બનાવવા વાળા 13 આરોપીઓની ધરપકડ કરવામાં આવી છે. પોલિસ અનુસાર, અર્ણવ વિલામાં આ ગોરખધંધો બે દિવસથી ચાલી રહ્યો હતો. અહીંથી અલગ અલગ રાજ્યોના યુવક-યુવતિઓ પકડાયા છે. પોલિસને કેટલાક અશ્લીલ વીડિયો મળ્યા છે, જેની તપાસ કરવામાં આવી રહી છે.
બધા આરોપીઓ વિરૂદ્ધ અશ્લીલતા ફેલાવવાનો કેસ દાખલ કરવામાં આવ્યો છે અને આ સાથે જ વિલા ભાડા પર આપનાર ત્રણ લોકો પર પણ FIR દાખલ કરાઇ છે. પોલિસે જણાવ્યુ કે, તેમને લોનાવલાના પાટન ગામમાં બનેલ અર્ણવ વિલામાં આ શુટિંગની સૂચના મળી હતી. પોલિસે ત્યાં પહોંચી રેડ મારી તો 13 લોકો પકડાયા. કાર્યવાહી દરમિયાન અશ્લીલ વીડિયો 6.72 લાખ રૂપિયાના 2 કેમેરા અને કેટલોક અન્ય સામાન જપ્ત કરવામાં આવ્યો છે.
આરોપીઓએ 30,000 રૂપિયામાં ભાડા પર આ વિલા રાખ્યો હતો. આરોપી OTT પ્લેટફોર્મ ઉપરાંત અનેક સોશિયલ મીડિયા પ્લેટફોર્મ અને વેબસાઇટ પર પણ અશ્લીલ વીડિયો અપલોડ કરતા હતા. પોલિસે જણાવ્યુ કે ધરપકડ કરાયેલા યુવક-યુવતિઓમાં મોટાભાગના પશ્ચિમ બંગાળ, મહારાષ્ટ્ર, હરિયાણા, ઉત્તરપ્રદેશ, ગુજરાત અને ઉત્તરાખંડથી છે. જણાવી દઇએ કે, કેન્દ્ર સરકારે 14 માર્ચે અશ્લીલ કંટેંટ પ્રસારિત કરનાર 18 OTT પ્લેટફોર્મ પર બેન લગાવ્યો હતો.
આ સાથે 19 વેબસાઇટ્સ, 10 એપ્સ અને 57 સોશિયલ મીડિયા હેન્ડલ્સ પણ બ્લોક કર્યા હતા. આ એપ, OTT પ્લેટફોર્મ અને સોશિયલ મીડિયા પ્લેટફોર્મ એન્ટરટેઇનમેન્ટના નામે અશ્લીલ અને આપત્તિજનક વીડિયો પેશ કરતા હતા. આ પહેલા પણ OTT એપ્સને ઘણીવાર ચેતવણી આપવામાં આવી હતી તેમ છત્તાં પણ કંટેંટમાં સુધાનો ન આવ્યો. 12 માર્ચે કેન્દ્રીય સૂચના અને પ્રસારણ મંત્રાલયની બેઠકમાં આ નિર્ણય લેવામાં આવ્યો હતો.
Police have arrested 13 men & 5 women allegedly shooting porn movies in Lonavala, a hill station 80 Kms from Mumbai. Pune rural police claimed that youngsters from Haryana, West Bengal, Uttar Pradesh were found filming obscene shots for OTT platforms in Arnav Villa rented by 3… pic.twitter.com/R3Ix2EyHb2
— MUMBAI NEWS (@Mumbaikhabar9) March 30, 2024
