સોયના કાણામાંથી પણ બહાર નીકળી જાય એવી હેન્ડબેગ માટે હરાજીમાં લૂંટાવી દીધા 51 લાખ રૂપિયા, સોશિયલ મીડિયામાં થઇ ગઈ ચર્ચા, જુઓ
Handbag smaller than a grain of salt was sold for 51 lakhs: દુનિયાભરમાં ઘણા બધા એવા લોકો હોય છે જે કેટલીક એન્ટિક વસ્તુઓ ખરીદવાનો આગ્રહ રાખતા હોય છે, ઘણીવાર આવી વસ્તુઓ ખરીદવા માટે તેઓ લાખો-કરોડો રૂપિયા પણ ખર્ચી નાખતા હોય છે, ત્યારે હરાજીમાં વેચાયેલી આવી વસ્તુઓ પણ ચર્ચામાં આવી જતી હોય છે, હાલ એવી જ એક હેન્ડબેગ લોકોના આકર્ષણનું કેન્દ્ર બની રહી છે, જે મીઠાના દાણા કરતા પણ નાની છે અને તેની કિંમત 51 લાખ કરતા પણ વધુ છે.
આ બેગ એટલી નાની છે કે તેને માઈક્રોસ્કોપ વિના જોઈ શકાતી નથી. હવે એક હરાજીમાં તેને 50 લાખથી વધુમાં વેચવામાં આવી છે. જે બાદ લોકોનો પ્રશ્ન છે કે આ બેગ શું કામ આવશે? સીએનએન અહેવાલ મુજબ ઓનલાઈન હરાજીમાં ‘મીઠાના દાણા કરતાં નાની’ હેન્ડબેગ $63,000 (રૂ. 51.6 લાખ)માં વેચાઈ છે. માઈક્રોસ્કોપ બેગ ફ્લોરોસન્ટ પીળા-લીલા રંગની છે અને તે લોકપ્રિય લુઈસ વીટનની ડિઝાઇન પર આધારિત છે.
આ બેગ ન્યુયોર્ક આર્ટ ગ્રુપ MSCHF દ્વારા બનાવવામાં આવી છે. સીએનએન રિપોર્ટમાં વધુમાં જણાવાયું છે કે બેગની સાઈઝ માત્ર 657 બાય 222 બાય 700 માઈક્રોન (0.03 ઈંચથી ઓછી પહોળી) છે. આ મહિનાની શરૂઆતમાં, જ્યારે MSCHFએ તેના Instagram હેન્ડલ પર બેગની તસવીર પોસ્ટ કરી, ત્યારે તેણે ઓનલાઈન હલચલ મચાવી. MSCHF એ કેપ્શનમાં લખ્યું છે કે બેગ સરળતાથી સોયના છિદ્રમાંથી પસાર થઈ જશે અને તે દરિયાઈ મીઠાના દાણા કરતા નાની છે.
View this post on Instagram
સીએનએનએ જણાવ્યું હતું કે, બેગ બે-ફોટો પોલિમરાઇઝેશનનો ઉપયોગ કરીને બનાવવામાં આવી હતી, જેનો ઉપયોગ 3D પ્રિન્ટ માઇક્રો-સ્કેલ પ્લાસ્ટિક ભાગો માટે થાય છે. બેગને ડિજિટલ ડિસ્પ્લે સાથે માઇક્રોસ્કોપ સાથે વેચવામાં આવે છે જેથી ખરીદનાર બેગને જોઈ શકે. MSCHF દ્વારા પોસ્ટ કરવામાં આવેલ ફોટાઓ બેગ પર મુદ્રિત લૂઈસ વીટનની સહી “LV” મોનોગ્રામ દર્શાવે છે. પૂર્ણ કદની LV બેગની કિંમત $3,100 અને $4,300 વચ્ચે છે.
