વિદેશીઓ પણ રંગાયા હનુમાન ચાલીસાના રંગમાં, “જય શ્રી રામ”ના નાદ સાથે અનોખી રીતે ગાયા હનુમાન ચાલીસા, વીડિયોએ જીત્યા દિલ, જુઓ
Foreigners sings Hanuman Chalisa : અયોધ્યામાં જ્યારથી રામ મંદિરનું નિર્માણ શરૂ થયું છે ત્યારથી દેશભરમાં રામ નામની જ્યોતિ પણ પ્રજ્વલ્લીત થઇ ગઈ છે. ઠેર ઠેર લોકો હનુમાન ચાલીસા કરી રહ્યા છે અને ભક્તિનો માહોલ સર્જે છે. સોશિયલ મીડિયા પર પણ હનુમાન ચાલીસાના ઘણા બધા વીડિયો વાયરલ થતા જોવા મળતા હોય છે, ત્યારે હાલ એક વીડિયો સામે આવ્યો છે, જેમાં વિદેશીઓ પોતાના અનોખા અંદાજથી હનુમાન ચાલીસ ગાઈને મંત્રમુગ્ધ કરી રહ્યા છે.
વિદેશીઓ સમગ્ર ભારતમાં વિવિધ હિન્દુ પવિત્ર સ્થળોની મુલાકાત લેવા આવે છે. હરિદ્વાર હોય, વારાણસી હોય, પ્રયાગરાજ હોય કે પુરી, વિવિધ ધાર્મિક પ્રસંગોએ વિદેશીઓ હિંદુ દેવી-દેવતાઓની ભક્તિમાં તરબોળ જોવા મળે છે. વધુમાં, આ સોશિયલ મીડિયાના યુગમાં, હિંદુ દેવી-દેવતાઓના નામનો જાપ કરતા અને ભજન ગાતા વિદેશીઓના ઘણા વીડિયો જોવા મળે છે. ત્યારે હાલ વાયરલ વીડિયોમાં તેઓ હનુમાન ચાલીસાનો પાઠ કરતા અને જય શ્રી રામના નારા લગાવતા જોવા મળે છે.
વીડિયોમાં જોઈ શકાય છે કે ગિટાર પકડેલી એક મહિલા સંગીતના વાદ્ય વગાડતા હનુમાન ચાલીસાનો પાઠ કરવાનું શરૂ કરે છે. આ દરમિયાન, લાંબા વાળવાળો એક યુવાન સંગીતનું સાધન પકડીને બીટબોક્સ પર બેઠેલો જોવા મળે છે. તે વારાફરતી સંગીતનાં વાદ્યો વગાડે છે અને ‘શ્રી રામ’નો જાપ કરતી વખતે તેને બીટબોક્સ પર ટેપ કરે છે. કેમેરા ફરતા જ અન્ય એક વૃદ્ધ વ્યક્તિ વાયોલિન વગાડતો જોવા મળે છે. જ્યારે કૅમેરો ફરીથી બીજી બાજુ જાય છે, ત્યારે બીજો માણસ તબલા સાથે દેખાય છે.
View this post on Instagram
વિદેશીઓનું આખું જૂથ હનુમાન ચાલીસાનો પાઠ કરતા અને ભગવાન રામના નામનો આનંદ માણતા જોઈ શકાય છે. નેટીઝન્સ વિદેશીઓના આ જૂથ અને તેમના ભક્તિપૂર્ણ પ્રદર્શનના પ્રેમમાં પડ્યા. music_ki_duniya__1213 દ્વારા ઈન્સ્ટાગ્રામ પર શેર કરવામાં આવેલો વીડિયો સોશિયલ મીડિયા પર વાયરલ થયો છે. ઘણા યુઝર્સે વીડિયોના કોમેન્ટ સેક્શનમાં પોતાનો પ્રતિભાવ આપ્યો છે. વીડિયો જોયા બાદ એક યુઝરે લખ્યું કે, “હવે જ્યારે અન્ય દેશોના લોકો આપણી સંસ્કૃતિને અપનાવે છે,ત્યારે માથું ગર્વથી ઊંચી થઇ જાય છે.”
