આપણા દેશની અંદર ઘણા લોકો એવા હોય છે જે સંસારની મોહ માયા ત્યજી અને સંયમના માર્ગ ઉપર ચાલી નીકળતા હોય છે. ઘણા તો સમગ્ર પરિવાર સાથે પણ દીક્ષા ધારણ કરી લેતા હોય છે. ગુજરાતમાં છેલ્લા કેટલાય સમયમાં ઘણા લોકોએ દીક્ષા લીધી છે. ખાસ કરીને જૈન ધર્મમાં દીક્ષા લેવાનું ચલણ વધ્યું છે. ત્યારે હવે વધુ એક પરિવારે પોતાની સંપત્તિનું દાન કરીને દીક્ષાનો માર્ગ ધારણ કર્યો છે.
છત્તીસગઢના રાજનાંદ ગામમાં રહેતા ડાકલિયા પરિવારે પોતાની સમગ્ર સંપત્તિ દાન કરીને આધ્યાત્મિકતા તરફ વળ્યા છે. ડાકલિયા પરિવારમાં કુલ છ સભ્યો છે. તેમાંથી પાંચ લોકોએ ઋષિ-સાધ્વીની વિધિવત દીક્ષા લીધી છે. 5 ફેબ્રુઆરીએ રાજીમમાં દીકરી દીક્ષા લેશે. પરિવારના સભ્યોએ જણાવ્યું કે તેઓ સ્વેચ્છાએ આધ્યાત્મિકતાના માર્ગે જઈ રહ્યા છે.
મુમુક્ષુ ભૂપેન્દ્ર ડાકલિયા, પત્ની મુમુક્ષુ સપના, પુત્રો મુમુક્ષુ દેવેન્દ્ર અને મુમુક્ષુ હર્ષિત અને બંને પુત્રીઓ મુમુક્ષુ મહિમા અને મુમુક્ષુ મુક્તા ઉપરાંત કોંડાગાંવના મુમુક્ષુ સંગીતા ગોલચા, રાજનાંદગાંવના મુમુક્ષુ સુશીલા લુનિય શ્રી જિન પિયુષસાગર સુરીશ્વરજીની હાજરીમાં દીક્ષા લીધી હતી. આ ઐતિહાસિક પ્રસંગે જૈન સમાજના સેંકડો લોકો ઉપસ્થિત રહ્યા હતા.
બિનોલી બાદ ડાકલિયા પરિવારના તમામ સભ્યોને વિધિવત દીક્ષાની પ્રક્રિયા હાથ ધરવામાં આવી હતી. આચાર્ય પીયૂષ સાગર મહારાજના માર્ગદર્શન હેઠળ સૌએ જૈન સાધુ અને સાધ્વીની દીક્ષા લીધી. દીક્ષા સમારોહ માટે શહેરના જૈન બગીચામાં સમાજ દ્વારા વ્યાપક તૈયારીઓ કરવામાં આવી હતી. દીક્ષા સમારોહના આયોજનમાં દેશ-રાજ્ય સહિત જિલ્લાભરમાંથી ભક્તો પધાર્યા હતા.
મુમુક્ષુ ભૂપેન્દ્રએ જણાવ્યું કે તેમની સંપત્તિ કરોડોમાં છે. જેમાં જમીન, દુકાનથી લઈને અન્ય મિલકતોનો પણ સમાવેશ થાય છે. 9 નવેમ્બરના રોજ તેમના પરિવારે દીક્ષા લેવાનો અંતિમ નિર્ણય લીધો હતો. આ પછી આખો પરિવાર એકસાથે ત્યાગના માર્ગે આગળ વધ્યો. જૈન ધર્મના લોકોએ જણાવ્યું કે, ખારતરગચ્છ સંપ્રદાયમાં આ પહેલીવાર બન્યું છે જ્યારે સમગ્ર પરિવારે સાથે મળીને દીક્ષા લીધી હોય. આ પરિવારે 30 કરોડની સંપત્તિ દાન કરીને દીક્ષા લીધી છે.
