જમ્મુ કાશ્મીરમાં હાલ ઠંડીનો કહેર ચાલુ છે. ઠંડીના કારણે કાશ્મીરમાં નદીઓની સાથે સાથે રસ્તાઓ ઉપર પણ બરફ જામી ગયો છે. કડકડતી ઠંડીમાં લોકોની મુશ્કેલીઓ પણ ખુબ જ વધી રહી છે. ત્યારે હાલમાં જ જમ્મુ કાશ્મીરના ગુલમર્ગમાંથી એક રોડ દુર્ઘટનાનો હૃદય હચમચાવી દેનારો વીડિયો સામે આવ્યો છે.
જમ્મુ કાશ્મીરના ગુલમર્ગમાં બરફવાળા રસ્તાના કારણે એક એસયુવી કાર લપસીને ખીણમાં સરકી ગઈ. મીડિયા રિપોર્ટ અનુસાર આ દુર્ઘટનામાં ઓછામાં ઓછા 5 લોકો ઘાયલ થયાનું જણાવાઈ રહ્યું છે. જાણકારી પ્રમાણે રોડ ઉપરથી લપસીને એસયુવી કાર રોડના કિનારે લાગેલા બેરિયર્સ તોડીને ખાડીમાં પડી હતી.
આ દુર્ઘટનાનો વીડિયો એસયુવીની પાછળ ચાલી રહેલી કારમાં બેઠેલા લોકોએ રેકોર્ડ કર્યો હતો. વીડિયોમાં રસ્તાની ચારેય તરફ બરફ જોમેલો જોવા મળી રહ્યો છે. અને વળાંક આવતા જ કાર અનિયંત્રિત થઈને ખીણમાં ખાબકી જાય છે અને આ મોટી દુર્ઘટના સર્જાય છે. સોશિયલ મીડિયામાં પણ આ ઘટનાનો વીડિયો ખુબ જ વાયરલ થઇ રહ્યો છે.
View this post on Instagram
વીડિયોમાં એ પણ જોવા મળી રહ્યું છે કે જ્યાં કાર ખીણમાં ખાબકી રહી હતી ત્યારે બે લોકો કૂદીને બહાર પડી જાય છે. ત્યાં આસપાસ ઉભેલા લોકો પણ ચીસો પાડી ઉઠે છે, આ ઘટનાનો વીડિયો સોશિયલ મીડિયામાં વાયરલ થતા જ લોકો પણ હેરાન રહી ગયા હતા. ઘણા લોકો આ ઘટના અંગે પોતાની પ્રતિક્રિયા પણ આપી રહ્યા છે.
