દુઃખદ સમાચાર: આ ફેમસ અભિનેત્રીની રહસ્યમય હાલતોમાં મોત, પોતાનો જીવ લેવાની શંકા; જુઓ તસવીરો
હોલીવુડમાંથી એક આઘાતજનક સમાચાર બહાર આવ્યા છે. ખરેખર પ્રખ્યાત અભિનેત્રી પામેલા બાખનું નિધન થયું છે. ડેવિડ હૈસલહોકની ભૂતપૂર્વ પત્ની પામેલા બાખનું 62 વર્ષની ઉંમરે અવસાન થયું. તેમના મૃત્યુની જાણ સૌ પ્રથમ તેમના ભૂતપૂર્વ પતિ ડેવિડ હૈસલહોક દ્વારા કરવામાં આવી હતી, જેમણે સોશિયલ મીડિયા દ્વારા આ દુ:ખદ ઘટના વિશે માહિતી આપી હતી. એક રહસ્યમય પરિસ્થિતિમાં પામેલા બાખનું મોત નીપજ્યું હતું અને તેના મૃત્યુના કારણોની તપાસ કરવામાં આવી રહી છે.
લોસ એન્જલસ મેડિકલ એક્ઝામિનરની કચેરીએ શરૂઆતમાં તેને આત્મહત્યાના કેસ તરીકે વર્ણવ્યું હતું, જોકે આ પગલાનું કારણ હજી બહાર આવ્યું નથી.હોલીવુડના અહેવાલો અનુસાર, પામેલા બાખના મૃત્યુ પછી, તબીબી પરીક્ષકે તપાસ શરૂ કરી હતી, જેમાં શંકા વ્યક્ત કરવામાં આવી હતી કે તે આત્મહત્યાનો કેસ હોઈ શકે છે. જોકે આ મામલાની તાપસ ચાલુ છે અને કોઈ અધિકારીએ આત્મહત્યાના કારણ વિષે કશું કીધું નથી. પામેલાના મૃત્યુના સમાચારોએ હોલીવુડમાં શોકની લહેર પેદા કરી છે અને તેના ચાહકો પણ આ સમાચાર પર વિશ્વાસ કરવામાં અસમર્થ છે.
તેના ભૂતપૂર્વ જીવનસાથીના મૃત્યુ પર, ડેવિડ હૈસલહોક પણ ભાવનાત્મક પોસ્ટ શેર કરી. તેમણે લખ્યું, ‘પામેલાના મૃત્યુથી અમારું કુટુંબ ઊંડા શોકનો માહોલ છે. અમે આ મુશ્કેલ સમયમાં મળેલા ટેકો અને પ્રેમ માટે આભારી છીએ, પરંતુ અમે તમને આ સમયે ગોપનીયતા આપવાની વિનંતી કરીએ છીએ, જેથી અમે આ દુ:ખમાંથી બહાર આવી શકીએ.પામેલા બાખ ડિસેમ્બર 1989 માં ડેવિડ હૈસલહોક સાથે લગ્ન કર્યા, જે હોલીવુડના યુગલો વિશેની સૌથી વધુ ચર્ચામાં છે.
જો કે, બંને વચ્ચેના સંબંધોમાં ઘણી સમસ્યાઓ હતી અને 2006 માં તેઓએ છૂટાછેડા લીધા હતા. અહેવાલો અનુસાર, તેમના છૂટાછેડાનું કારણ ઘરેલું વિવાદ અને લગ્ન જીવનનો તણાવ હતો. પામેલાએ ડેવિડ પર ઘરેલું હિંસા પર પણ આરોપ લગાવ્યો હતો.પામેલા બાખ અને ડેવિડ હૈસલહોકને બે પુત્રી ટેલર અને હેલી છે જે હાલમાં તેમની માતાના મૃત્યુ પછી ઊંડા શોકમાં છે. પામેલાના મૃત્યુથી તેના પરિવારને ભારે ફટકો પડ્યો છે અને પરિવારના સભ્યો આ શોકનો સામનો કરી શક્યા નથી.
Our family is deeply saddened by the recent passing of Pamela Hasselhoff. We are grateful for the outpouring of love and support during this difficult period but kindly request privacy as we grieve and navigate through this challenging time.
— David Hasselhoff (@DavidHasselhoff) March 6, 2025
