અમેરિકાના કેલિફોર્નિયામાં શનિવારે એક હેલિકોપ્ટર ક્રેશ થયું. હંટિંગટન સ્ટ્રીટ પાસે એક હેલિકોપ્ટર ક્રેશ થયું. ટેકઓફ કર્યા પછી તરત જ હેલિકોપ્ટર ક્રેશ થયું હતુ. આ અકસ્માતમાં પાંચ લોકો ઘાયલ થયા હતા, જેમાં બે હેલિકોપ્ટર મુસાફરો અને રસ્તા પર ત્રણ લોકોનો સમાવેશ થાય છે.
આ અકસ્માત શનિવારે સ્થાનિક સમય મુજબ બપોરે 2 વાગ્યાની આસપાસ કેલિફોર્નિયાના હંટીંગ્ટન સ્ટ્રીટ અને પેસિફિક કોસ્ટ હાઈવે નજીક થયો હતો. અકસ્માત સમયે હેલિકોપ્ટરમાં બે લોકો સવાર હતા, જ્યારે ત્રણ અન્ય લોકો નીચે હતા, જેમને હેલિકોપ્ટરથી ટક્કર લાગી હતી. બધાને સારવાર માટે હોસ્પિટલમાં લઈ જવામાં આવ્યા હતા. હેલિકોપ્ટર ક્રેશનો વીડિયો પણ સામે આવ્યો છે.
વીડિયોમાં સ્પષ્ટપણે દેખાઈ રહ્યું છે કે હેલિકોપ્ટર ખૂબ જ ઓછી ઊંચાઈએ ઉડતું હતું જ્યારે તેની પાંખો તાડના પાંદડાઓ સાથે અથડાઈ હતી. હેલિકોપ્ટર બેકાબૂ થઇ ગયું. શરૂઆતમાં તે હવામાં ફંગોળાયુ અે પછી ક્રેશ થયું. અહેવાલો અનુસાર, હેલિકોપ્ટર, 1980 બેલ 222 (ટેલ નંબર N222EX), હેલિકોપ્ટર ઉડ્ડયન ક્ષેત્રના જાણીતા વ્યક્તિ એરિક નિક્સનનું હતું. ઘટના બાદ અધિકારીઓ ઘટનાસ્થળે પહોંચ્યા હતા. અધિકારીઓએ સાવચેતી તરીકે પેસિફિક કોસ્ટ હાઈવે પણ બંધ કરી દીધો છે.
શનિવારે પેસિફિક કોસ્ટ હાઇવે અને હંટીંગ્ટન સ્ટ્રીટ પર થયેલા અકસ્માતમાં હંટીંગ્ટન બીચ પોલીસ વિભાગ અને લોસ એન્જલસના હંટીંગ્ટન બીચ ફાયર વિભાગે મદદ કરી હતી. પોલીસના જણાવ્યા અનુસાર, ઘટના બાદ હેલિકોપ્ટર દ્વારા બે લોકોને બચાવી લેવામાં આવ્યા હતા અને રસ્તા પર ત્રણ લોકો ઘાયલ થયા હતા.
BREAKING 🚨🚨 #HuntingtonBeach / #California
New social media video has emerged from the Helicopter crash in HB. Witnesses say there may have been a bird strike with a tail rotor. HB Fire has upgraded this to a multi casualty incident, and multiple people have been… https://t.co/RaWw9pLRNm pic.twitter.com/SoshJ99gm9
— OC Scanner 🇺🇸 🇺🇸 (@OC_Scanner) October 11, 2025
