સૌથી ભયાનક એક્સીડંટ: ટ્રક સાથે અથડાતા બસનો કચ્ચરઘાણ નીકળી ગયો, 5 લોકોનાં મોત, 15થી વધુ ઘાયલ
અલીગઢમાં ગત મોડી રાત્રે ટ્રક અને બસ વચ્ચે ટક્કરથી ગંભીર અકસ્માત સર્જાયો છે. અકસ્માતમાં 5 મુસાફરોના મોત થયા છે જ્યારે અન્ય 15 મુસાફરો ઘાયલ થયા છે. યમુના એકસપ્રેસ-વે નંબર 56 પર એક ડબલ ડેકર ખાનગી બસ બિયરની બોટલોના ભંગારથી ભરેલી ટ્રક સાથે પાછળથી અથડાઈ હતી. ટ્રક સાથે અથડાતા બસનો કચ્ચરઘાણ નીકળી ગયો. અકસ્માતમાં મૃત્યુ પામેલાઓમાં પાંચ મહિનાનું બાળક, એક મહિલા અને ત્રણ પુરૂષોનો સમાવેશ થાય છે.
મુસાફરોથી ભરેલી ડબલ ડેકર ખાનગી બસ દિલ્હીથી આઝમગઢ જઈ રહી હતી. અકસ્માત બાદ મૃતદેહ બસની અંદર ફસાયેલા જોવા મળ્યા હતા. તમામ મૃતદેહોને પતરા કાપીને બસની બહાર કાઢવામાં આવ્યા હતા. અકસ્માતમાં જીવિત રહેલા લોકો બારીના કાચ તોડીને બહાર આવ્યા હતા. માહિતી મળ્યા બાદ પોલીસ ઘટનાસ્થળે પહોંચી અને તમામ ઘાયલોને બચાવીને જેવરની કૈલાશ હોસ્પિટલમાં લઈ જવામાં આવ્યા. આ ઉપરાંત હાલ 5 મૃતદેહોને પોસ્ટમોર્ટમ માટે મોકલી આપવામાં આવ્યા છે.
અકસ્માતમાં જીવ ગુમાવનારા 5 લોકોમાંથી ત્રણની ઓળખ થઈ ગઈ છે અને અન્ય 2 મૃતકો અજાણ્યા હોવાનું કહેવાય છે. અકસ્માતનો ભોગ બનેલી બસ ફૈબાદની ક્રિષ્ના ટ્રાવેલ્સની હોવાનું બહાર આવ્યું છે. આ સમગ્ર ઘટના અંગે પોલીસે વધુ તપાસ હાથ ધરી છે.
यमुना एक्सप्रेस वे पर हुआ बड़ा हादसा, कांच से भरे ट्रक और वोल्वो बस में हुई टक्कर
अलीगढ़ : यमुना एक्सप्रेसवे पर वोल्वो बस और काँच से भरे ट्रक की हुई भिड़ंत, टप्पल के समीप हुआ हादसा। एक दर्जन से अधिक यात्रियों के घायल होने की सूचना। यात्रियों के बीच मची चीख पुकार। PS TAPPAL… pic.twitter.com/NlsQHitlJp
— Praveen Vikram Singh (@praveen_singh5) November 20, 2024
