Fact Check

22 દિવસમાં અલીગઢ મુસ્લિમ યુનિવર્સિટી કેંપસમાં 19 જેટલા પ્રોફેસરોએ ગુમાવ્યો જીવ, શું તેનું કારણ છે કોરોનાનો નવો વેરિયંટ ?

અલીગઢ મુસ્લિમ યુનિવર્સિટી AMU કેંપસમાં કોરોના સંક્રમણ એટલી ખરાબ રીતે ફેલાયેલુ છે કે કેટલાક શિક્ષક તેમનો જીવ ગુમાવી ચૂક્યા છે. પ્રોફેસરોની મોતની ખબરથી AMU પ્રબંધન અને વિદ્યાર્થીઓમાં દહેશત છે. આશંકા એવી જણાવવામાં આવી રહી છે કે કોરોના વાયરસના નવા સ્ટ્રેનથી યુનિવર્સિટીમાં સંક્રમણ આટલુ વધી ગયુ છે.

AMUના કુલપતિ તારિક મંસૂરીએ ICMRને પત્ર લખી તપાસ કરવા અપીલ કરી છે. તમને જણાવી દઇએ કે, 22 દિવસમાં અલીગઢ મુસ્લિમ યુનિવર્સિટી કેંપસમાં 19 જેટલા પ્રોફેસરની મોત થઇ ચૂકી છે.

એવું જણાવવામાં આવી રહ્યુ છે કે, અલીગઢ મુસ્લિમ યુનિવર્સિટીના જેએન મેડિકલ કોલેજમાં રેજિડેંટ ડોક્ટર અને કેટલાક સિનિયર ડોક્ટર પરિવાર સહિત કોરોનાથી સંક્રમિત થઇ ગયા હતા.

AMUના વીસીએ રવિવારે ICMRના ડીજીને પત્ર લખ્યો હતો. તેમાં લખ્યુ કે, સંદેહ વધી રહ્યો છે કે અલીગઢના સિવિલ લાઇંસ એરિયામાં વાયરસનો કોઇ ખાસ વેરિયંટ ફેલાઇ રહ્યો છે. એએમયુના જેએન મેડિકલ કોલેજના માઇક્રોબાયોલોજી ડિપાર્ટમેન્ટની કોવિડ-19 ટેસ્ટિંગ માટે અપ્રૂવ્ડ લેબને સેમ્પલ પણ મોકલ્યા છે.

એવું જણાવવામાં આવી રહ્યુ છે કે, વાયરસનો નવો મ્યૂટેંટ ઝડપથી ફેલાય છે. એવામાં તે જૂના મ્યૂટેંટની જગ્યા છે અને બધા મ્યૂટેંટની ફેલાવવાની રીત સમાન છે. માસ્ક અને સોશિયલ ડિસ્ટનસિંગ ઉપરાંત વેક્સિન જ એક ઉપાય છે.