યુઝવેન્દ્ર ચહલે આરજે મહવશ સાથે રિલેશનશિપને લઇને આપી હિંટ, કહ્યુ- ઇન્ડિયા જાણી ચૂક્યુ છે…
‘ઇન્ડિયા જાણી ચૂક્યુ છે’ યુઝવેન્દ્ર ચહલે આરજે મહવશ સાથે સંબંધને લઇને ચહલે આપી હિંટ ? ઋષભ બોલ્યો- ફ્રી છે ને હવે…
યુઝવેન્દ્ર ચહલ પોતાની પ્રોફેશનલ લાઈફ કરતાં પોતાના પર્સનલ લાઇફને કારણે વધુ ચર્ચામાં રહે છે. અહેવાલો પર વિશ્વાસ કરવામાં આવે તો ચહલ આરજે મહવશને ડેટ કરી રહ્યો છે. બંને ઘણીવાર સાથે જોવા મળે છે. એટલું જ નહીં, મહવશ આઈપીએલ મેચોમાં ચહલને સપોર્ટ કરવા માટે પણ સ્ટેડિયમમાં આવતી હોય છે. બંને સાથે જોવા મળે છે પરંતુ હંમેશા નકારે છે કે તેઓ રિલેશનશિપમાં છે. તેઓ હંમેશા એકબીજાને સારા મિત્રો કહે છે. ચહલ તાજેતરમાં કપિલ શર્માના શો ધ ગ્રેટ ઇન્ડિયન કપિલ શોમાં ગયો હતો.
કોમેડિયન કપિલ શર્માના કોમેડી શો ‘ધ ગ્રેટ ઇન્ડિયન કપિલ શો’ ની ત્રીજી સીઝન શરૂ થઈ ગઈ છે, જેમાંથી અત્યાર સુધીમાં 3 એપિસોડ OTT પ્લેટફોર્મ નેટફ્લિક્સ પર સ્ટ્રીમ થઈ ચૂક્યા છે. પહેલા એપિસોડમાં બોલિવૂડ સુપરસ્ટાર સલમાન ખાન આવ્યો હતો, ત્યારબાદ બીજા એપિસોડમાં ‘મેટ્રો ઇન દિનો’ ના કલાકારો જોવા મળ્યા હતા અને ત્રીજા એપિસોડમાં કપિલ શર્મા સાથે ક્રિકેટર્સ ગૌતમ ગંભીર, ઋષભ પંત, અભિષેક અને યુઝવેન્દ્ર ચહલ જોવા મળ્યા હતા. ત્રણેયે સાથે મળીને બધા સાથે ખૂબ મસ્તી પણ કરી.
આ દરમિયાન યુઝવેન્દ્ર ચહલને કપિલ શર્માના શોમાં આરજે મહવશ વિશે પણ પ્રશ્નો પૂછવામાં આવ્યા, જેના જવાબમાં તેણે મજાકમાં કહ્યું હતું કે આખો દેશ તેમના વિશે પહેલાથી જ જાણે છે. ત્યાં, ઋષભ પંત પણ યુઝીની ટાંગ ખેંચતો જોવા મળ્યો. કૃષ્ણાએ યુઝવેન્દ્ર ચહલને ‘જ્યુસી ચહલ’ કહ્યુ. આ પછી કપિલ તેને અટકાવે છે, પરંતુ કૃષ્ણા કહે છે કે તમે તમારા દૃષ્ટિકોણથી જોઈ રહ્યા છો, છોકરીના દૃષ્ટિકોણથી જુઓ.
આ પછી કૃષ્ણા યુઝીને પૂછે છે કે તમે કેમ ધ્રૂજી રહ્યા છો, મેં તમારું ઇન્સ્ટાગ્રામ જોયું, શું તમે ખૂબ ડરતા નથી. આ પછી, કીકુ ક્રિકેટર યુઝીને પ્રશ્ન કરે છે. કીકુ યુઝીની બેગ ખોલવાનો ડોળ કરે છે અને પૂછે છે કે તેના સફેદ શર્ટ પર લિપસ્ટિકનું નિશાન કેમ છે. તે પછી તે નિશાન બતાવીને, કીકુ કહે છે કે તે કોણ છે ? આખું ભારત જાણવા માંગે છે. આ દરમિયાન, ઋષભ કહે છે કે તે હવે ફ્રી છે, ખરું ને, અને યુઝવેન્દ્ર ચહલ કહે છે કે ભારત પહેલાથી જ જાણે છે. તેની આ લાઇન સાંભળીને, સિદ્ધુ સહિત બધા જોરથી હસવા લાગે છે.
જણાવી દઈએ કે ઘણા સમયથી, યુઝવેન્દ્ર ચહલ અને આરજે મહવશના ડેટિંગના સમાચાર આવી રહ્યા છે. ખાસ કરીને ધનશ્રી વર્મા સાથે તેના છૂટાછેડા પછી. બંનેને ઘણી વખત સાથે જોવામાં આવ્યા હતા, પરંતુ અત્યાર સુધી કોઈએ આ મુદ્દા પર ખુલીને વાત કરી નથી અને હંમેશા એકબીજાને સારા મિત્રો ગણાવ્યા છે.
