અમિતાભ બચ્ચને શેર કરેલા આ દુર્લભ વીડિયોને જોઈને અભિભૂત થયા દેશવાસીઓ, નરી આંખોએ નિહાળ્યા 5 ગ્રહો, જુઓ તમે પણ
ઇન્ટરનેટ પર રોજ અલગ અલગ વિષયનો લઈને ઘણા બધા વીડિયો વાયરલ થતા હોય છે. તેમાં પણ પ્રકૃતિને લઈને આવતા વીડિયોને લોકો જોવાનું ખુબ જ પસંદ કરતા હોય છે. ત્યારે હાલમાં જ બોલીવુડના મહાનાયક અમિતાભ બચ્ચને પણ તેમના સોશિયલ મીડિયામાં એક વીડિયો શેર કર્યો છે. જે હાલ ખુબ જ વાયરલ થઇ રહ્યો છે.
બોલિવૂડના મેગાસ્ટાર અમિતાભ બચ્ચન સોશિયલ મીડિયા પર ઘણા એક્ટિવ રહે છે. તેણે હાલમાં જ આકાશમાં જોવા મળતા એક દુર્લભ નજારાનો વીડિયો શેર કર્યો છે, જેને જોઈને લોકો આશ્ચર્યચકિત થઈ ગયા છે. આ વિડિયો ઈન્ટરનેટ પર છવાઈ ગયો છે. આમાં બુધ, શુક્ર, મંગળ, ગુરુ અને યુરેનસ એક સીધી રેખામાં જોઈ શકાય છે. આ સાથે ચંદ્રની સુંદર ઝલક પણ જોવા મળી રહી છે.
વીડિયો શેર કરતી વખતે, અમિતાભ બચ્ચને કેપ્શનમાં લખ્યું “કેટલું સુંદર દૃશ્ય છે. આજે 5 ગ્રહો એકસાથે એક સીધી રેખામાં જોવા મળ્યા… સુંદર અને દુર્લભ… આશા છે કે તમે પણ તેના સાક્ષી બનો….” બિગ બીના આ વીડિયોમાં ઘણા લોકો સવાલ કરી રહ્યા છે કે તેમણે તેને મોબાઈલથી રેકોર્ડ કર્યો છે કે DSLRથી. ઘણા લોકોએ આનો આનંદ પણ લીધો છે.
View this post on Instagram
કોમેન્ટ કરતા એકે લખ્યું, ‘મને પણ આ કેમેરા જોઈએ છે.’ તો એક વ્યક્તિએ કોમેન્ટ કરી કે “આ ક્લિપ જોયા પછી સાબિત થયું છે કે વોટ્સએપ ફોરવર્ડ્સ તેમની પાસે આવે છે. આ ગુરુ ગ્રહ અને તેના ચાર ઉપગ્રહો છે. ભારત રત્નની જરૂર છે.” આ ઉપરાંત બીજા ઘણા યુઝર્સ સાથે ઘણા સેલેબ્સ પણ આ વીડિયો પર કોમેન્ટ કરી રહ્યા છે.
