બાગેશ્વર ધામના ધીરેન્દ્ર શાસ્ત્રીને તેજ પ્રતાપનું અલ્ટીમેટમ, કહ્યું “જો તમે એકતાની વાત કરો છો તો સ્વાગત છે, જો તમે હિન્દુ-મુસ્લિમ કરો છો તો…
Tej pratap yadav warned dhirendra shastri : છેલ્લા ઘણા સમયથી બાગેશ્વર ધામ (bageshwar dham) ના પંડિત ધીરેન્દ્ર શાસ્ત્રી (pandit dhirendra shastri) સતત ચર્ચામાં રહે છે. તે કોઈને કોઈ મુદ્દાને લઈને લોકો વચ્ચે છવાયેલા રહેતા હોય છે અને તેમના ઘણા વીડિયો અને તેમના નિવેદનો પણ સોશિયલ મીડિયામાં ખુબ જ વાયરલ થતા હોય છે. ત્યારે હાલ બાગેશ્વર ધામના આચાર્ય પંડિત ધીરેન્દ્ર કૃષ્ણ શાસ્ત્રી બિહાર (bihar) ની રાજધાનીમાં કથાનો કાર્યક્રમ કરવા જઈ રહ્યા છે.
પંડિત ધીરેન્દ્ર કૃષ્ણ શાસ્ત્રી 13 મેથી 17 મે સુધી પાંચ દિવસ બિહારમાં રહેશે. જો કે તેમની મુલાકાતને લઈને વિવાદ શરૂ થયો છે. બિહારના પર્યાવરણ મંત્રી અને લાલુ યાદવના પુત્ર તેજ પ્રતાપે બાબાના આગમનને લઈને કડક વલણ અપનાવ્યું છે. તેજ પ્રતાપે કહ્યું છે કે, “બાગેશ્વર બાબા હિન્દુ-મુસ્લિમ સામે લડવા આવી રહ્યા છે, તેથી હું તેમનો વિરોધ કરીશ, એરપોર્ટ પર તેમને ઘેરી લઈશ.”
હિંદુ, મુસ્લિમ, શીખ, ઈસાઈ અમે બધા ભાઈ છીએ. ભાઈચારાનો સંદેશ આપશે તો બિહારમાં પ્રવેશી શકે છે. ધીરેન્દ્ર શાસ્ત્રીએ તેજ પ્રતાપની ચેતવણી પર કોઈ નિવેદન આપ્યું નથી. જાન્યુઆરી મહિનામાં બાગેશ્વર ધામના ધીરેન્દ્ર શાસ્ત્રીએ હિન્દુ રાષ્ટ્ર બનાવવાની વાત કરી હતી. સુભાષચંદ્ર બોઝની જન્મજયંતિ પર તેમણે કહ્યું હતું કે બોઝે એક સૂત્ર આપ્યું હતું, પરંતુ આજે અમે એક નવું સૂત્ર બનાવ્યું છે… તુમ મેરા સાથ દો હમ હિન્દુ રાષ્ટ્ર બનાયેંગે.
#WATCH अगर बागेश्वर बाबा हिंदू मुसलमान भाई को लड़वाने के लिए आ रहे हैं तो मैं उनका विरोध करूंगा, मैं उनका हवाई अड्डे पर घेराव करूंगा। अगर भाईचारे का संदेश देंगे कि हिंदू मुस्लिम सिख ईसाई हम सब हैं भाई-भाई तो उनकी बिहार में एंट्री हो सकती है: धीरेंद्र शास्त्री के पटना दौरे पर… pic.twitter.com/Cu3R2ID644
— ANI_HindiNews (@AHindinews) April 27, 2023
આ સાથે તેમણે કહ્યું હતું કે અમે ભારતના લોકોને અપીલ કરીએ છીએ કે બંગડીઓ પહેરીને ઘરે ન બેસો. હવે મારે બહાર આવીને કહેવું પડશે. તેમણે એમ પણ કહ્યું હતું કે જો લોકો હજુ પણ બહાર નહીં આવે તો અમે તેમને કાયર ગણીશું. એમ પણ કહ્યું કે જો તમે સનાતની હોવ તો મને સાથ આપો, ઘરની બહાર નીકળો. હું માત્ર સનાતન ધર્મને આગળ લઈ જવા માંગુ છું. હું કોઈ રાજકીય પક્ષમાં જોડાઈશ નહીં.
