એરપોર્ટ પર તમન્ના ભાટિયાને મળી એવી ચાહક જેને પોતાના હાથ પર બનાવ્યું હતું અભિનેત્રીનું ટેટુ, સર્જાયા ભાવુક કરી દેનારા દૃશ્યો, જુઓ વીડિયો
Tamannaah Bhatia fan tattoo of arm :બોલીવુડના સેલેબ્રિટીઓના ચાહકો દુનિયાભરમાં ફેલાયેલા છે અને પોતાના મનપસંદ સેલેબ્સની એક ઝલક જોવા માટે પણ આતુર રહેતા હોય છે. તો કેટલાક ચાહકો તો એવા પણ હોય છે જે પોતાના ગમતા સેલેબ્સ માટે કોઈપણ હદ સુધી જતા જોવા મળતા હોય છે, હાલ એવું જ કંઈક અભિનેત્રી તમન્ના ભાટિયા સાથે પણ થયુ, જેના એક ચાહકે તમન્નાનું ટેટુ પોતાના હાથ પર દોરાવ્યું.
તાજેતરમાં, અભિનેત્રીએ વિજય સાથેના તેના સંબંધોને સ્વીકાર્યા હતા, ત્યારબાદ તેમની જોડીને એકસાથે જોવા માટે ચાહકોનો ઉત્સાહ વધી ગયો છે. આ પછી તમન્ના ‘લસ્ટ સ્ટોરીઝ 2’માં વિજય વર્મા સાથે ઇન્ટિમેટ સીન આપવાને કારણે ચર્ચામાં આવી હતી. હવે ફરી એકવાર અભિનેત્રીની ચર્ચાઓ થઈ રહી છે. ફેન્સનો પ્રેમ જોઈને તમન્ના ઈમોશનલ થઈ ગઈ. એક્ટ્રેસનો આ વીડિયો સોશિયલ મીડિયા પર હેડલાઈન્સ બનાવી રહ્યો છે.
તાજેતરમાં જ ‘બાહુબલી’ એક્ટ્રેસ મુંબઈ એરપોર્ટ પર જોવા મળી હતી. તમન્ના જ્યારે એરપોર્ટ પર પહોંચી ત્યારે તેની સાથે સેલ્ફી લેવા માટે ઘણા ચાહકો ઉમટી પડ્યા હતા. આ દરમિયાન તમન્ના એક ચાહકને મળી, જેણે અભિનેત્રીને ભેટ અને ગુલદસ્તો આપ્યો. આટલું જ નહીં, તે પ્રશંસકે તમન્નાના ચરણ સ્પર્શ પણ કર્યા. આ પછી તેણે એક્ટ્રેસને પોતાના હાથ પર બનાવેલું ટેટૂ બતાવ્યું, જેમાં તમન્નાનો ચહેરો બનાવવામાં આવ્યો હતો. આ બધું જોઈને અભિનેત્રી ભાવુક થઈ ગઈ.
તમન્ના ભાટિયા પોતાના માટે ફેન્સનો પ્રેમ જોઈને પોતાને રડતા રોકી શકી નહીં. સેલિબ્રિટી ફોટોગ્રાફર વિરલ ભયાણીએ અભિનેત્રીનો વીડિયો શેર કર્યો છે. આ વીડિયોમાં જોઈ શકાય છે કે એક મહિલા ફેન તમન્નાના પગને સ્પર્શ કરી રહી છે અને તેના હાથ પર તેનું ટેટૂ બતાવી રહી છે. આ બધું જોઈને તમન્ના ભાવુક થઈ જાય છે. તેણી તેના ચાહકને ગળે લગાવે છે.
વીડિયો સામે આવતા જ સોશિયલ મીડિયા યુઝર્સે તમન્નાના વખાણ કર્યા છે. લોકોને તમન્નાની તેના ચાહકોને અવગણ્યા વિના મળવાની શૈલી ગમતી હતી. એકે ટિપ્પણી કરી, “આટલું સન્માન નસીબદારને આપવામાં આવે છે, ભગવાન આ ફેન અને તમન્નાને હંમેશા આશીર્વાદ આપે.”
View this post on Instagram
તમન્ના ભાટિયાની વિજય વર્મા સાથેની લસ્ટ સ્ટોરીઝ 2 નેટફ્લિક્સ પર 29 જૂને રિલીઝ થઈ રહી છે. આ પછી અભિનેત્રી બે મોટી ફિલ્મોમાં જોવા મળશે. તેની ચિરંજીવી સાથેની ફિલ્મ ‘ભોલા શંકર’ ઓગસ્ટમાં રિલીઝ થશે. આ ફિલ્મમાં અભિનેત્રી કીર્તિ સુરેશ પણ જોવા મળશે. આ સિવાય તમન્ના તમિલ એક્શન કોમેડી ફિલ્મ ‘જેલર’માં જોવા મળશે. આ ફિલ્મમાં રજનીકાંત, મોહનલાલ, જેકી શ્રોફ, શિવા રાજકુમપ અને રામ્યા કૃષ્ણન જેવા કલાકારો અભિનય કરતા જોવા મળશે.