પાકિસ્તાનના ઘણા કલાકારો ભારતીય લોકોના દિલ પર રાજ કરે છે. હાનિયા આમિર પણ એવા સ્ટાર્સમાંની જ એક છે. ફેન્સ તેની તસવીરો અને વીડિયોને ખૂબ પસંદ કરે છે. હાનિયા ઈન્સ્ટાગ્રામ પર પણ ઘણી એક્ટિવ રહે છે. બોલિવૂડ ગીતો સાથે તેનું ખાસ જોડાણ છે. તે રેપર બાદશાહ અને દિલજીત દોસાંજ સાથે પણ જોવા મળી ચૂકી છે. હાનિયાની સ્ટાઈલ અને ફેશન અદ્દભુત છે.
27 વર્ષિય હાનિયા આમિર ઘણી સુપરહિટ પાકિસ્તાની ડ્રામામાં જોવા મળી છે. આમ તો પાકિસ્તાનના ઘણા સ્ટાર્સ પ્રખ્યાત છે પણ હાનિયા થોડી ખાસ છે. ભારતીય ચાહકો તેને ખૂબ પસંદ કરે છે. હાનિયાએ બાળપણમાં જોયેલી પહેલી ફિલ્મ શાહરૂખ ખાનની ‘બાદશાહ’ હતી. હાનિયા ઘણીવાર બોલિવૂડ ગીતો પર ડાન્સ કરતી જોવા મળે છે. હાનિયા દરેક લુકમાં તબાહી મચાવતી જોવા મળે છે.
હાનિયા તેના લુક અને એક્ટિંગને કારણે અવારનવાર ચર્ચામાં રહે છે. ચાહકોને તેની બબલી સ્ટાઈલ સરહદો પાર પણ પસંદ આવે છે. પાકિસ્તાની ટેલિવિઝનમાં અભિનેત્રીએ ‘દિલરુબા’, ‘તિતલી’, ‘ઈશ્કિયા’, ‘સંગ-એ-માહ’ અને ‘મુજે પ્યાર હુઆ થા’ જેવા શોમાં કામ કર્યું છે. જ્યારે ભારતમાં અભિનેત્રીએ ‘મેરે હમસફર’માં કામ કર્યું હતું. આમાં તેણે હલાનો રોલ પ્લે કર્યો હતો અને તે ભારતીય દર્શકોના હૃદયમાં સ્થાન બનાવવામાં પણ સફળ રહી હતી.
આ શોએ તેને અહીં પણ પ્રખ્યાત કરી દીધી. હાનિયાનો જન્મ 12 ફેબ્રુઆરી 1997ના રોજ રાવલપિંડીમાં થયો હતો. અભિનેત્રીના માતા-પિતાના બાળપણમાં જ છૂટાછેડા થઈ ગયા હતા, જેના કારણે હાનિયાને બાળપણ તેના નાના-નાની સાથે વિતાવવું પડ્યું હતું. હાનિયા તેની માતા સાથે નાનીના ઘરે ગઈ હતી. હાનિયાને બાળપણથી જ એક્ટિંગનો શોખ હતો. એટલે જ તેણે અભ્યાસની સાથે વીડિયો બનાવવાનું શરૂ કર્યું.
એક પાકિસ્તાની નિર્માતાએ અભિનેત્રીનો વીડિયો જોયો અને તેને ફિલ્મ ‘જાનાં’ની ઓફર કરી. આ પછી હાનિયાએ તેની કારકિર્દીમાં સફળતાપૂર્વક આગળ વધવાનું ચાલુ રાખ્યું. તેણે અભિનય દ્વારા સારા પૈસા મેળવવાનું શરૂ કર્યું અને પૈસા તેના માટે મહત્વપૂર્ણ હતા, એટલે તેણે કોલેજ છોડી દીધી. હાનિયા ભારતીય રેપર બાદશાહની ચાહક છે. તે તેની સોશિયલ મીડિયા પોસ્ટ પર ટિપ્પણી પણ કરે છે.
જ્યારે તેને આ વિશે પૂછવામાં આવ્યું તો તેણે કહ્યું કે અમે દુબઈમાં પાર્ટી કરી હતી, પરંતુ તેનો અર્થ એ નથી કે હું તેની સાથે રિલેશનશિપમાં છું. કદાચ મારી સૌથી મોટી સમસ્યા એ છે કે મેં લગ્ન કર્યા નથી. હાનિયા આમિરે પોતાની શાનદાર એક્ટિંગના જોરે દુનિયામાં ઘણુ નામ કમાવ્યું છે. ખાસ કરીને તેની સિરિયલો માત્ર પાકિસ્તાનમાં જ નહીં પરંતુ ભારત, બાંગ્લાદેશ અને તુર્કીમાં પણ જોવામાં આવે છે.
હાનિયા પાકિસ્તાનની સૌથી મોંઘી અભિનેત્રી છે, જેને ‘મુજે પ્યાર હુઆ થા’ સિરિયલ માટે 3 લાખ પાકિસ્તાની રૂપિયા આપવામાં આવ્યા હતા. ભારતીય રૂપિયામાં આ રકમ 90,000 રૂપિયા છે. અગાઉ, તેને એક એપિસોડ માટે 4 લાખ રૂપિયા (1.20 લાખ ભારતીય રૂપિયા) ચાર્જ કર્યા હતા.
