નવી નવી લીધેલી બાઈક વારંવાર ખરાબ થતા જ યુવક પેટ્રોલ લઈને શો-રૂમ માં પહોચી ગયો, પેટ્રોલ છાંટી સળગાવી દીધી

Man Set Hero Bike Showroom On Fire : ગુજરાત સમેત દેશભરમાંથી અવાર નવાર આગના કિસ્સા સામે આવે છે. ઘણીવાર આગ કોઇ કારણોસર લાગતી હોય છે તો ઘણીવાર આગ લગાવવામાં આવતી હોય છે. ત્યારે હાલમાં બિકાનેરમાં એક બાઇક શોરૂમની સામે એક યુવકે પોતાની નવી બાઇકને આગ ચાંપી દીધી. યુવકે 6 મહિના પહેલા ખાજુવાલામાં સ્થિત હીરો કંપનીના શોરૂમમાંથી બાઇક ખરીદી હતી, જે વારંવાર બગડી જતી હતી.

આનાથી પરેશાન યુવક સોમવારે સવારે બાઇક લઇને શોરૂમની સામે પહોંચ્યો અને પછી પેટ્રોલ છાંટીને આગ ચાંપી દીધી. ઘટનાની નજીક એક સરકારી હોસ્પિટલ પણ છે. આગની ઘટનાને પગલે સ્થળ પર અફરાતફરીનો માહોલ સર્જાયો હતો. ક્રિષ્ના હીરોઝના શોરૂમના સંચાલક શુભકરણ ગેહલોતે કહ્યું- મહાવીર પુત્ર શિવશંકરે ભૂતકાળમાં તેમની પાસેથી એક બાઇક ખરીદી હતી. એક દિવસ પહેલા તેણે બાઇકમાં ખામી હોવાની ફરિયાદ કરી હતી.

સોમવારે બાઇક લઇ આવવા જણાવ્યું હતું. સવારે 10 વાગે તે બાઇક લઈને આવ્યો ત્યારે તેની સાથે અન્ય ત્રણ-ચાર છોકરાઓ પણ હતા. શોરૂમની અંદર બે લોકો હતા અને બે બહાર હતા. આ દરમિયાન એકે બાઇક પર પેટ્રોલ છાંટીને આગ ચાંપી દીધી હતી. જેના કારણે આજુબાજુની બાઇકો પણ બળી શકતી હતી, પરંતુ કોઈક રીતે તેને દૂર કરવામાં આવી.

મહાવીરની બાઇકમાં પેટ્રોલ ભરેલું હતું, જે તરત જ આગની લપેટમાં આવી ગયું હતું. થોડી જ વારમાં બાઇક બળીને ખાખ થઇ ગયું. તપાસમાં જાણવા મળ્યું કે મહાવીરે 27 ઓક્ટોબર 2022ના રોજ ખાજુવાલાની ક્રિષ્ના હીરો એજન્સી પાસેથી એક્સ્ટ્રીમ 160 બાઇક ખરીદી હતી. તેની કિંમત લગભગ દોઢ લાખ રૂપિયા છે.

બાઇકના એન્જિનમાં વારંવાર સમસ્યા આવી રહી હતી, જેના કારણે માલિક નારાજ થઈ ગયો. તેણે અગાઉ પણ ફરિયાદ નોંધાવી હતી. જો કે, બીજી તરફ શોરૂમ સંચાલકનું કહેવું છે કે ભૂતકાળમાં કોઈ ફરિયાદ મળી નથી. બાઇક સળગાવવામાં મહાવીરનો મિત્ર મનજીત પણ તેની સાથે આવ્યો હતો. બાઇક માલિક મહાવીર પોતે મનજીતની દુકાન પર વેલ્ડીંગનું કામ કરે છે. પોલીસ હવે બંને સામે કાર્યવાહી કરવાની તૈયારી કરી રહી છે.

Shah Jina