ફાઇનલમાં હાર બાદ મોદીએ જેને ગળે લગાવ્યો હતો એ મોહમ્મદ શમીને જયારે પૂછવામાં આવ્યું કે “શું મોદીજી પનોતી છે ?” તો આપ્યો એવો જવાબ કે…
Mohammed Shami Reaction : ભારતની વર્લ્ડકપ ફાઇનલમાં હાર થઇ છે ત્યારે ચર્ચાનો માહોલ સતત ગરમ છે. પાનના ગલ્લેથી લઈને સોસાયટીના નાક પર પણ બસ આજ વાતની ચર્ચાઓ ચાલતી રહે છે. ત્યારે આ મામલે રાજકારણ પણ ગરમાઈ રહ્યું છે. ભારતની હાર બાદ ઘણા રાજનેતાઓ પણ પોતાનો મત આપી રહ્યા છે અને તેને લઈને પણ ચર્ચાનો માહોલ ગરમ થતો જોવા મળી રહ્યો છે. વર્લ્ડકપની આ ખાસ મેચમાં યોગાનુયોગ એવો હતો કે પીએમ મોદી પણ આ મેચ જોવા પહોંચ્યા હતા. તેમની સાથે ઓસ્ટ્રેલિયાના નાયબ વડાપ્રધાન રિચર્ડ માર્લ્સ પણ હાજર હતા.
રાહુલ ગાંધીએ PM મોદીને કહ્યું હતું પનોતી :
ભારતની આ હાર પર રાજનીતિ ત્યારે શરૂ થઈ જ્યારે વિપક્ષ કોંગ્રેસ અને રાહુલ ગાંધીએ પીએમ નરેન્દ્ર મોદીને પનોતી કહેવાનું શરૂ કર્યું. હવે આના પર મોહમ્મદ શમીની પ્રતિક્રિયા આવી છે. વર્લ્ડ કપ 2023માં સૌથી વધુ 24 વિકેટ ઝડપનાર શમી જ્યારે અમરોહા સ્થિત પોતાના ઘરે પહોંચ્યો ત્યારે તે મીડિયાથી ઘેરાઈ ગયો હતો. તેમને પૂછવામાં આવ્યું કે રાહુલ ગાંધીએ એક નિવેદનમાં કહ્યું હતું કે સ્ટેડિયમમાં પનોતી હતી, જેના કારણે ભારત વર્લ્ડ કપ હારી ગયું.
મોહમ્મદ શમીનું નિવેદન :
આના પર મોહમ્મદ શમીએ કહ્યું- જુઓ, અમને વિવાદાસ્પદ પ્રશ્નો સમજાતા નથી, કારણ કે તમે આવા પ્રશ્નોને વિવાદમાં લો છો. ક્રિકેટ પર ધ્યાન કેન્દ્રિત કરવા વિશે વાત કરતા તેણે કહ્યું – મૂળભૂત બાબતો પર ધ્યાન આપો, જેના પર તમે છેલ્લા બે મહિનાથી સખત મહેનત કરી છે. આ બાબતો પર ધ્યાન આપો… તમે રાજકીય એજન્ડા લાવો છો, અમને આ સમજાતું નથી. તમને જણાવી દઈએ કે ‘પનૌતી’ શબ્દ પર કોંગ્રેસના નિવેદન બાદ ભાજપ પર પણ પ્રહારો થઈ રહ્યા છે. પૂર્વ પીએમ ઈન્દિરા ગાંધીને લઈને પ્રિયંકા ગાંધીનો વીડિયો પણ વાયરલ થયો હતો.
પીએમએ વધાર્યું હતું ટીમનું મનોબળ :
હાર બાદ જ્યારે ભારતીય ટીમનું મનોબળ નીચું હતું ત્યારે પીએમ નરેન્દ્ર મોદી ડ્રેસિંગ રૂમમાં ગયા હતા. તેણે તમામ ખેલાડીઓ સાથે વાત કરી. આશ્વાસન આપ્યું. હિંમત આપી. આ દરમિયાન વિરાટ કોહલી અને રોહિત શર્માને ટીમને હિંમત આપવાનું કહેવામાં આવ્યું હતું. તમે બધાએ સારું પ્રદર્શન કર્યું. 10-10 મેચ જીતી. આવું થતું રહે છે. આ દરમિયાન મોદીએ શમીને ગળે લગાવીને તેના પ્રદર્શનની પ્રશંસા કરી હતી.
