જ્યોતિષશાસ્ત્રમાં ગ્રહોના સેનાપતિ તરીકે મંગળ ગ્રહને વિશેષ સ્થાન પ્રાપ્ત છે, જે ઉર્જા, સાહસ, પરાક્રમ અને ક્રોધના કારક માનવામાં આવે છે. જ્યારે બીજી તરફ કેતુને એક રહસ્યમયી, છાયા ગ્રહ અને અચાનક ઘટતી ઘટનાઓ માટે જવાબદાર માનવામાં આવે છે. વૈદિક પંચાંગ અનુસાર, ઉર્જા અને પરાક્રમના દાતા મંગળ ગ્રહે સિંહ રાશિમાં પ્રવેશ કરી લીધો છે, જ્યાં અગાઉથી જ રહસ્યમયી ગ્રહ કેતુ બિરાજમાન છે. આ બંને ગ્રહોના મિલનથી સિંહ રાશિમાં અત્યંત પ્રભાવશાળી અને વિસ્ફોટક એવી ‘મંગળ-કેતુની યુતિ’ સક્રિય થઈ ચૂકી છે.

જ્યોતિષ શાસ્ત્રના જાણકારોના મતે, મંગળ અને કેતુ બંને જ અત્યંત આક્રમક, ઉગ્ર અને તીવ્ર પ્રકૃતિ ધરાવતા ગ્રહો છે. જ્યારે આ બંનેની યુતિ બને છે, ત્યારે તેની ઊર્જા ખૂબ જ તીવ્ર બની જાય છે. ખાસ કરીને અગ્નિ તત્વની રાશિઓ (મેષ, સિંહ અને ધનુ) માટે આ સંયોગ અત્યંત અશુભ અને પડકારજનક સાબિત થઈ શકે છે. ગ્રહોની આ બદલાતી ચાલને કારણે આગામી સમયમાં અમુક રાશિના જાતકોએ કરિયર, આર્થિક બાબતો, પારિવારિક જીવન અને સ્વાસ્થ્યના મોરચે ભારે સાવચેતી રાખવાની તાતી જરૂર રહેશે, નહીં તો મોટા નુકસાનનો સામનો કરવો પડી શકે છે.
મંગળ અને કેતુની યુતિની સામાન્ય અસરો
જ્યોતિષીય ગણતરી મુજબ, મંગળ અને કેતુનો આ સંયોગ માનવીય સ્વભાવમાં અધીરાઈ, ગુસ્સો અને ઉતાવળ વધારી દે છે. આ યુતિના પ્રભાવ હેઠળ વ્યક્તિ ઘણીવાર વણવિચાર્યા નિર્ણયો લઈ લે છે, જેના કારણે બનેલાં કામો પણ બગડી શકે છે. વેપાર-ધંધામાં અચાનક નાણાકીય નુકસાન, કાનૂની અડચણો, પારિવારિક અસંતોષ અને સ્વાસ્થ્ય સંબંધી તકલીફો ઊભી થવાની પ્રબળ સંભાવના રહે છે. તેથી જ, આ અશુભ યોગથી પ્રભાવિત થનારી રાશિઓએ આગામી દિવસોમાં ખૂબ જ ફૂંકી-ફૂંકીને પગલાં ભરવાની સલાહ આપવામાં આવે છે.

1. મેષ રાશિ
મેષ રાશિના સ્વામી ખુદ મંગળ છે અને આ એક અગ્નિતત્વની રાશિ છે. કેતુની છાયા પડવાને કારણે આ યુતિ આ રાશિના જાતકો માટે બિલકુલ અનુકૂળ નથી.
ખર્ચ અને નાણાકીય સ્થિતિ: આર્થિક મોરચે ખૂબ સંભાળીને ચાલવાની જરૂર છે. ફાલતુ ખર્ચા વધી શકે છે અને ધન-સંપત્તિના મામલે સાવધાની રાખવી અનિવાર્ય છે.
સ્વાસ્થ્ય અને સંબંધો: સ્વાસ્થ્યને જરાય નજરઅંદાજ ન કરવું. કાર્યક્ષેત્રે સહકર્મીઓ સાથે મતભેદ થવાની સંભાવના છે તેમજ ગુપ્ત શત્રુઓથી સાવધાન રહેવું.
ઉપાય: દર મંગળવારે હનુમાન ચાલીસા અથવા બજરંગ બાણનો પાઠ કરવો લાભદાયી રહેશે.

2. સિંહ રાશિ
સિંહ પણ અગ્નિતત્વની રાશિ છે, જેના સ્વામી સૂર્ય છે. સિંહ રાશિમાં જ આ યુતિ બની રહી હોવાથી જાતકો માટે તે મુશ્કેલીઓ સર્જી શકે છે.
માનસિક તણાવ અને જોખમ: આ યુતિ દુર્ઘટના, જોખમ અને માનસિક તણાવનું કારણ બની શકે છે. બીજાના વાહનો માંગીને ચલાવવાથી કે વગર કારણે જોખમ ઉઠાવવાથી બચવું.
કામકાજ અને વ્યવહાર: કામકાજમાં ભાગદોડ વધી શકે છે. નાની-નાની બાબતો પર તણાવ લેવાનું ટાળો. પૈસાની લેવડદેવડમાં સાવધાની રાખો અને પોતાની વાણી પર સંયમ રાખો, કારણ કે ઉતાવળ કે આંખ બંધ કરીને ભરોસો કરવાથી દગો મળી શકે છે.
ઉપાય: દરરોજ સવારે વહેલા ઉઠીને તાંબાના લોટાથી સૂર્યદેવને અર્ધ્ય આપવો.

3. ધનુ રાશિ
ધનુ રાશિને પણ અગ્નિ તત્વ સાથે જોડવામાં આવે છે. સિંહ રાશિમાં મંગળ-કેતુની યુતિ બન્યા બાદ આ રાશિના જાતકોએ વિશેષ સતર્ક રહેવું પડશે.
વિરોધીઓ અને કરજ: જાતકોને કરજ, રોગ અને શત્રુ બાધાનો સામનો કરવો પડી શકે છે. કાર્યક્ષેત્રમાં વિરોધીઓ મુશ્કેલીઓ ઊભી કરી શકે છે અને જરૂરી કાર્યોમાં અડચણો આવી શકે છે.
સાવચેતી: સ્વાસ્થ્ય બાબતે બેદરકારી ન રાખવી. કોર્ટ-કચેરીને લગતા મામલાઓમાં ઝટકો લાગી શકે છે અથવા વિરોધીઓ હાવી થઈ શકે છે, તેથી દરેક પગલું સમજી-વિચારીને ભરવું.
ઉપાય: ગુરુવારના દિવસે ‘ૐ બૃહસ્પતये નમઃ’ મંત્રનો 108 વાર જાપ કરવો.
Disclaimer: (ઉપરોક્ત માહિતી માન્યતા અને જાણકારીઓ તેમજ જ્યોતિષીય પર આધારિત છે, ગુજ્જુરોકસ આની પુષ્ટિ કરતુ નથી.)