દુનિયાભરની અંદર તમને ઘણા એવા જુનીની લોકો મળી જશે જે દુનિયાથી કંઈક હટકે કરવાનું વિચારતા હોય છે અને ઘણા લોકો એવા એવા કામ કરે છે કે તેમના નામે વર્લ્ડ રેકોર્ડ પણ નોંધાઈ જતો હોય છે. ગિનિસ બુક ઓફ વર્લ્ડ રેકોર્ડના પેજ ઉપર ઘણા બધા વીડિયો પોસ્ટ થતા હોય છે જેમાં અજીબો ગરીબ વર્લ્ડ રેકોર્ડ પણ આપણે બનતા જોઈએ છીએ.
હાલ સોશિયલ મીડિયામાં એક એવા જ વર્લ્ડ રેકોર્ડનો વીડિયો વાયરલ થઇ રહ્યો છે, ગિનિસ બુકના પેજ ઉપર કેલિફોર્નિયાના એક વ્યક્તિ વિશે એક વીડિયો શેર કરવામાં આવ્યો છે જેણે 8.72 સેકન્ડમાં 3 કેરોલિના રીપર ચિલીઝ ખાઈને રેકોર્ડ બનાવ્યો. કેરોલિના રીપર મરીને વિશ્વમાં સૌથી ગરમ મરચું માનવામાં આવે છે.
ગ્રેગરી ફોસ્ટરે ડાઉનટાઉન સાન ડિએગોમાં સીપોર્ટ શોપિંગ સેન્ટરમાં સૌથી ઝડપી સમયમાં ત્રણ કેરોલિના રીપર મરચી ખાઈને રેકોર્ડ બનાવ્યો. ગ્રેગરીને મસાલેદાર ખોરાક ખાવાનું પસંદ છે, જેના કારણે તેણે આમ કરવાનું વિચાર્યું. આ સિદ્ધિ સાથે તે માઈક જેક દ્વારા સ્થાપિત 9.72 સેકન્ડનો અગાઉનો સર્વશ્રેષ્ઠ રેકોર્ડ તોડવામાં સફળ રહ્યો.
View this post on Instagram
આ વ્યક્તિ તેના બીજા પ્રયાસમાં રેકોર્ડ હાંસલ કરવામાં સફળ રહ્યો. તેના પ્રથમ પ્રયાસમાં, તેણે છ સુપર-હોટ મરચાં ખાધા, પરંતુ તેને ગેરલાયક ઠેરવવામાં આવ્યો કારણ કે તેના મોંમાં એક મરચું બાકી હતું જે ખાઈ શકાતું ન હતું. વીડિયોમાં તે એક પછી એક મરચાં ખાતો જોવા મળે છે, જાણે કે તે કોઈ કેન્ડી હોય. જલદી જ ગ્રેગરીએ ઝડપથી બધા મરચાં ખાઈ લીધાં, તેણે પોતાનું મોટું મોં ખોલ્યું અને અવાજ કર્યો. ગિનેસ વર્લ્ડ રેકોર્ડ્સે ઇન્સ્ટાગ્રામ પર તેમના પ્રયાસનો એક વીડિયો શેર કર્યો અને લખ્યું, ‘ત્રણ કેરોલિના રીપર મરચી ખાવાનો સૌથી ઝડપી સમય – ગ્રેગરી ફોસ્ટર (યુએસ) દ્વારા 8.72 સેકન્ડમાં.’