દક્ષિણ કોરિયામાં એક મોટી વિમાન દુર્ઘટના સર્જાઈ છે, જ્યાં થાઈલેન્ડની રાજધાની બેંગકોકથી આવતી જેજુ એરની ફ્લાઈટ મુઆન ઈન્ટરનેશનલ એરપોર્ટ પર દુર્ઘટનાગ્રસ્ત થઈ છે. આ દુર્ઘટનામાં 181 યાત્રીઓમાંથી 96 લોકોના મૃત્યુની પુષ્ટિ થઈ છે, માત્ર બે લોકોને જીવતા બચાવવામાં આવ્યા છે, જ્યારે બાકીના 83 મુસાફરોની સ્થિતિ અંગે ચિંતા વ્યક્ત કરવામાં આવી રહી છે.
યોનહાપ સમાચાર એજન્સીના જણાવ્યા મુજબ, વિમાનના લેન્ડિંગ ગિયરમાં તકનીકી ખામી સર્જાતાં પાયલોટે લેન્ડિંગ ગિયર વિના ઉતરાણ કરવાનો નિર્ણય લેવો પડ્યો હતો. આ દરમિયાન વિમાન રનવે પર સરકી ગયું અને એરપોર્ટની દીવાલ સાથે અથડાયા બાદ આગની લપેટમાં આવી ગયું. વિમાનમાં કુલ 175 મુસાફરો અને 6 ક્રૂ સભ્યો સવાર હતા. દુર્ઘટના ભારતીય સમય મુજબ સવારે 5:37 વાગ્યે સાઉથ જેઓલા સ્થિત સાઉથ-વેસ્ટ કોસ્ટલ એરપોર્ટ પર સર્જાઈ હતી. દુર્ઘટનાને પગલે એરપોર્ટની તમામ આંતરરાષ્ટ્રીય અને આંતરિક ઉડાનો સ્થગિત કરી દેવામાં આવી છે.
બોઈંગ 737-800 વિમાનની લેન્ડિંગ પ્રક્રિયા દરમિયાન બે વખત પ્રયાસ કરવામાં આવ્યો હતો. પ્રથમ પ્રયાસમાં લેન્ડિંગ ગિયર કાર્યરત ન થતાં વિમાને એરપોર્ટની આસપાસ ચક્કર લગાવ્યા હતા. બીજા પ્રયાસમાં પાયલોટે લેન્ડિંગ ગિયર વિના ઉતરાણનો જોખમી નિર્ણય લીધો. કેટલાક મીડિયા અહેવાલો અનુસાર, વિમાનની પાંખ સાથે પક્ષીના અથડામણને કારણે લેન્ડિંગ ગિયર ખરાબ થયું હોવાની આશંકા વ્યક્ત કરવામાં આવી રહી છે.
મુઆન એરપોર્ટના અગ્નિશમન અધિકારીના જણાવ્યા અનુસાર, વિમાનમાં લાગેલી આગને નિયંત્રણમાં લેવા માટે 43 મિનિટનો સમય લાગ્યો હતો. બચાવ કાર્ય હજુ પણ ચાલુ છે, ખાસ કરીને વિમાનના પાછળના ભાગમાં ફસાયેલા મુસાફરોને બચાવવાના પ્રયાસો કરવામાં આવી રહ્યા છે. વિમાનમાં 173 દક્ષિણ કોરિયન અને 2 થાઈ નાગરિકો સવાર હતા. બચી ગયેલા બે વ્યક્તિઓ ક્રૂ મેમ્બર્સ હોવાનું જાણવા મળ્યું છે.
આ દુર્ઘટના પહેલાં, 25 ડિસેમ્બરે કઝાકિસ્તાનના અક્તાઉ એરપોર્ટ નજીક અઝરબૈજાનથી રશિયા જતું એક વિમાન દુર્ઘટનાગ્રસ્ત થયું હતું. તેમાં સવાર 67 લોકોમાંથી 38ના મૃત્યુ થયા હતા. આ વિમાન બાકુથી ગ્રોઝની જઈ રહ્યું હતું. યોનહાપ ન્યૂઝ એજન્સીના તાજા અહેવાલ મુજબ, થાઈલેન્ડથી પરત ફરી રહેલું જેજુ એરનું વિમાન લેન્ડિંગ દરમિયાન દુર્ઘટનાગ્રસ્ત થયું. મુઆન એરપોર્ટના અધિકારીઓએ જણાવ્યું કે સ્થિતિને નિયંત્રણમાં લેવા માટે સઘન પ્રયાસો કરવામાં આવી રહ્યા છે. અગ્નિશમન વિભાગના અધિકારીઓએ પુષ્ટિ કરી છે કે દક્ષિણ કોરિયાના મુઆન ઇન્ટરનેશનલ એરપોર્ટ પર લાગેલી આગ પર કાબૂ મેળવી લેવામાં આવ્યો છે. રોઇટર્સના અહેવાલ અનુસાર, જારી બચાવ કામગીરી દરમિયાન બે લોકોને જીવતા બચાવી લેવામાં સફળતા મળી છે.
યોનહાપ ન્યૂઝ એજન્સીએ જણાવ્યું કે પક્ષી સાથેની અથડામણને કારણે લેન્ડિંગ ગિયરમાં ગંભીર ખામી સર્જાઈ હોવાનું માનવામાં આવી રહ્યું છે. અમેરિકન વિમાન નિર્માતા કંપની બોઈંગના 737-800 મોડેલના આ વિમાને મુઆન એરપોર્ટ પર બે વખત ઉતરાણનો પ્રયાસ કર્યો હતો. પ્રથમ પ્રયાસ દરમિયાન લેન્ડિંગ ગિયર કાર્યરત ન થતાં વિમાનને એરપોર્ટની આસપાસ ચક્કર લગાવવા પડ્યા હતા. બીજા પ્રયાસમાં પાયલોટે લેન્ડિંગ ગિયર વિના જ ઉતરાણ કરવાનો નિર્ણય લીધો હતો. વિવિધ મીડિયા રિપોર્ટ્સમાં દાવો કરવામાં આવી રહ્યો છે કે પક્ષી સાથેની અથડામણને કારણે લેન્ડિંગ ગિયર ખરાબ થયું હતું, જેના કારણે તે લેન્ડિંગ સમયે કાર્યરત થઈ શક્યું નહીં.
