લેટિન અમેરિકન સંસ્કૃતિઓમાં છોકરીનો 15મો જન્મદિવસ દરેક માટે એક સીમાચિહ્નરૂપ માનવામાં આવે છે, એટલે કે, એક યાદગાર જન્મદિવસ. જેને અહીં કમિંગ-ઓફ-એજ ક્વિન્સેનેરા તરીકે ઓળખવામાં આવે છે, તે ખુબ જ ધૂમધામથી મનાવવામાં આવે છે. પરંતુ બ્રાઝિલમાં એક ટિનેજરે તેના 15માં જન્મદિવસની ઉજવણી માટે કંઈક અનોખું કર્યું. ક્વિન્સેનારાથી પણ તેણે કંઈક અલગ કર્યું. ઉદ્યોગપતિ આનંદ મહિન્દ્રા દ્વારા શેર કરવામાં આવેલા વિડિયોમાં, છોકરી એક નાના ટ્રેક્ટર પર તેની પાર્ટીમાં પ્રવેશ કરતી જોવા મળે છે.
મહિન્દ્રા ગ્રૂપના ચેરમેન આનંદ મહિન્દ્રાના જણાવ્યા અનુસાર, યુવતીની ઈચ્છા તેનો 15મો જન્મદિવસ ખાસ રીતે ઉજવવાની હતી. તેણીએ ટ્વિટર પર લખ્યું કે, તેણીનો 15મો જન્મદિવસ “બ્રાઝિલની સંસ્કૃતિમાં એક મોટો સીમાચિહ્નરૂપ” છે, અને ઉમેર્યું, “તે ટ્રેક્ટરને પસંદ કરે છે અને મહિન્દ્રા બ્રાન્ડને પસંદ કરે છે! તેથી અમારા વિતરકે તેણીને ઉજવણી કરવા માટે એક નાનું ટ્રેક્ટર ઉધાર આપ્યું.
તેના વીડિયોમાં એક છોકરી ટ્રેક્ટર પર તેની પાર્ટીમાં પ્રવેશી રહી છે. સ્નીકર્સ સાથે ગુલાબી ડ્રેસમાં સજ્જ, તેણી તેના મહેમાનોને તેના માટે ઉત્સાહિત કરવા માટે ટ્રેક્ટરની હેડલાઇટ્સ ફ્લેશ કરે છે. જ્યારથી આ વીડિયો માઇક્રોબ્લોગિંગ પ્લેટફોર્મ પર પોસ્ટ કરવામાં આવ્યો ત્યારથી, આ વીડિયોને 1 લાખથી વધુ વખત જોવામાં આવ્યો છે, જેના પર મોટી સંખ્યામાં કોમેન્ટ પણ મળી રહી છે.
The daughter of one of our Brazilian customers decided to have a unique celebration for her 15th Birthday (a big milestone in Brazilian culture). She likes Tractors and she loves the Mahindra brand! So our distributor lent the small tractor for the celebration. 👍🏽👍🏽👍🏽 pic.twitter.com/pwpyrkttgs
— anand mahindra (@anandmahindra) November 25, 2021
આનંદ મહિન્દ્રા ટ્વિટર પર ખૂબ જ સક્રિય રહે છે, જેના પર તેમના 8.5 મિલિયનથી વધુ ફોલોઅર્સ છે. તે ઘણીવાર રસપ્રદ પોસ્ટ શેર કરે છે. પરંતુ સોશિયલ મીડિયાની પ્રસિદ્ધીમાં એક નકારાત્મક પાસુ પણ છે, જેનો એનુભવ તેમને તાજેતરમાં જ થયો હતો. આ અઠવાડિયાની શરૂઆતમાં, આનંદ મહિન્દ્રાએ તેમના દ્વારા ટાંકવામાં આવેલા એક ઉદાહરણ (Quote)ને નકલી ગણાવ્યું હતું અને કહ્યું હતું કે તેઓ કાનૂની પગલાં લેશે.