તમે કયારેય પણ એવું સાંભળ્યુ કે, પંડિત અને મંત્ર વગર જ કોઇના લગ્ન થયા હોય ? કે પછી દુલ્હનને મંગળસૂત્ર પહેરાવવામાં આવ્યુ ન હોય અને માંગમાં સિંદૂર પણ ભરવામાં આવ્યુ ન હોય… આવો એક હાલમાં કિસ્સો સામે આવ્યો છે, જેમાં દુલ્હા-દુલ્હનને એક તસવીરને સાક્ષી માનીને સાત ફેરા લીધા અને તે બાદ મંગળસૂત્ર કે સિંદુર વગર જ લગ્ન કરી લીધા.
વર-વધુએ બાબા સાહેબ આંબેડકરની તસવીરને સાક્ષી માનીને સાત ફેરા લીધા હતા. તેમણે સંવિધાનની શપથ લઇ લગ્ન કર્યા હતા. વર-વધુએ એકબીજાને માળા પણ પહેરાવી હતી. જે બાદ બંનેએ સંવિધાનની પ્રસ્તાવનાની શપથ લીધી.
આ અનોખા લગ્નનો કિસ્સો મધ્ય પ્રદેશના સીહોરમાંથી સામે આવ્યો છે. મધ્ય પ્રદેશના સીહોરમાં માલવીય સમાજના ગ્રામ મુલ્લાની દીપક માલવીયના લગ્ન શાજાપુરના લસૂડિયાની રહેવાસી આરતી માલવીય સાથે થયા હતા. આ લગ્નમાં મંત્રોચ્ચારનો અવાજ ન હતો. પરંતુ ભારતીય સંવિધાનની પ્રસ્તાવનાની શપથ સંભળાઇ હતી.
દુલ્હા-દુલ્હને પહેલા તો સંવિધાન નિર્માતા ડો.બાબા સાહેબ આંબેડકરની તસવીર પર માલ્યાર્પણ કર્યુ. તે બાદ વર-વધુએ એકબીજાને વરમાળા પહેરાવી અને ભારતીય સંવિધાનની પ્રસ્તાવના વાંચીને શપથ અપાવડાવામાં આવી. તસવીર સમક્ષ સાત ફેરા બાદ વૈવાહિક જીવનની સામાજિક જવાબદારીઓના નિર્વહનનું વચન લીધુ અને લગ્નના બંધનમાં બંધાઇ ગયા.
