સોશિયલ મીડિયા પર ખ્યાતિ મેળવવા માટે લોકો કેટલી હદ સુધી જઈ શકે છે તેનું એક ખતરનાક ઉદાહરણ સામે આવ્યું. તાજેતરમાં એક વીડિયો વાયરલ થઇ રહ્યો છે જેમાં એક યુવક અને યુવતી બાઇક પર સ્ટંટ કરતા દેખાય છે, પરંતુ થોડી જ સેકન્ડોમાં આ સ્ટંટ જીવલેણ બની જાય છે. લોકો આ વીડિયો જોઈને ચોંકી ગયા છે અને આવી ખતરનાક રીલ્સ બનાવનારાઓ સામે કડક કાર્યવાહીની માંગ કરી રહ્યા છે.
વીડિયોમાં એક યુવક ખૂબ જ ઝડપે બાઇક ચલાવતો જોવા મળી રહ્યો છે, જ્યારે તેની પાછળ એક યુવતી બેઠી છે. યુવક અચાનક બાઇકનું આગળનું વ્હીલ હવામાં ઉંચુ કરે છે અને તેને એક વ્હીલ પર ઘણા મીટર સુધી ચલાવે છે. પાછળ બેઠેલી યુવતી સંતુલન જાળવવાનો પ્રયાસ કરે છે. પરંતુ જેમ જેમ યુવક બાઇકને પાછું નીચે લાવવાનો પ્રયાસ કરે છે, તેમ તેમ બાઇક સંતુલન ગુમાવે છે અને બંને ખૂબ જ જોરથી રસ્તા પર પટકાય છે.
એટલું જ નહિ આ દરમિયાન પાછળથી આવતા બીજા બાઇકને પણ ટક્કર વાગે છે. આ વીડિયો સોશિયલ મીડિયા પ્લેટફોર્મ X પર શેર કરવામાં આવ્યો હતો. વીડિયો વાયરલ થયા પછી, ઇન્ટરનેટ પર હજારો લોકોએ આવા ખતરનાક સ્ટંટ પર પોતાનો રોષ વ્યક્ત કર્યો છે. એક યુઝરે લખ્યું- વન-વ્હીલિંગની આ આદતે ઘણા લોકોના જીવ લીધા છે. આ યુવાનો તેને સાહસ માનીને પોતાના જીવન અને પરિવારની ખુશી બંનેને જોખમમાં મૂકે છે.
બીજા એક યુઝરે લખ્યું, “હેલ્મેટ વગર રસ્તા પર પડવું એ જીવનભરનું દુઃખ રહેશે.” એક યુઝરે કહ્યુ આવા બેદરકાર સ્ટંટ માર્ગ સલામતી માટે ખતરો છે. આશા છે કે, તેઓ પાઠ શીખશે.” જ્યારે કેટલાકે કડક કાર્યવાહીની માંગ કરી કહ્યું કે વાહન ચલાવતી વખતે વીડિયો બનાવવા પર સંપૂર્ણપણે પ્રતિબંધ મૂકવો જોઈએ.
72% Bikers are idiots
No proof needed
— Kreately.in (@KreatelyMedia) October 31, 2025
