Vastu Tips: ઘરમાં જરૂર લગાવો આ એક વસ્તુ, બદલાય જશે તમારૂ નશીબ

ઘરમાં આ વસ્તુ લગાવવામાંથી હંમેશ રહેશે સુખ શાંતિ

ફેંગશુઈમાં વિન્ડ ચાઈમ્સને શુભ માનવામાં આવે છે. તે સામાન્ય રીતે ઘરની સજાવટ માટે વપરાય છે. એવું માનવામાં આવે છે કે તેના ધીમા ધીમા અવાજ અને ટીનટીનથી ઘરમાંથી નકારાત્મકતા દૂર થાય છે. ફેંગશુઇ અનુસાર, વિન્ડ ચાઇમ લગાવવાથી ઘરમાં સમૃદ્ધિ અને સફળતા મળે છે અને ગૂડલક બન્યું રહે છે.

નાના નાના ઘંટથી બનેલી વિન્ડ ચાઇમ્સ ખૂબ સુંદર અને આકર્ષક લાગે છે. બજારમાં વિન્ડ ચાઇમ્સના ઘણા પ્રકારો છે. ભારે, હળવા, મોટા, નાના અને અનેક પ્રકારની ડિઝાઇનમાં બનેલી વિન્ડ ચાઇમ્સને વિન્ડ બેલ્સ પણ કહેવામાં આવે છે. આ સિવાય, વિન્ડ ચાઇમ્સ મેટલ, ક્રિસ્ટલ, વાંસ, લાકડા અને ફાઇબરમાંથી પણ બનાવવામાં આવે છે. આ સિવાય ઘરમાં માટીની વિન્ડ ચાઇમ્સ લગાવવાથી ઘર ખૂબ સુંદર લાગે છે.

ફેંગ શુઇ અનુસાર, તે ઘરના મુખ્ય દરવાજા પર, દરવાજાની મધ્યમાં અથવા બારીઓ પર લટકાવવામાં આવે છે. બગીચા અને લોનમાં નાના વૃક્ષો અને છોડ સાથે તેને લગાવવું પણ શુભ માનવામાં આવે છે. ચાલો જાણીએ કે તેને ઘર, ટેરેસ અથવા લોનમાં લગાવવાથી શું ફાયદા થાય છે.

1. ઘરમાં વિન્ડ ચાઇમ લગાવવાથી નકારાત્મકતા દૂર થાય છે. તેના કારણે ઘરમાં સકારાત્મક ઉર્જા રહે છે.
2. ફેંગ શુઇ અનુસાર, વિન્ડ ચાઇમનો અવાજ ઘરમાં સુખ અને સમૃદ્ધિ લાવે છે અને સંબંધોમાં મીઠાશ રહે છે.
3. ફેંગ શુઇ અનુસાર, 5 કે 7 સળિયાવાળી વિન્ડ ચાઇમને ગુડલક ચાઇમ કહેવામાં આવે છે. એવું માનવામાં આવે છે કે તેને ઘરે લગાવવાથી તમારા ભાગ્યનો ઉદય થાય છે.

4. ફેંગશુઈમાં વિન્ડ ચાઈમ લગાવવાથી વ્યક્તિને વાસ્તુ દોષોથી મુક્તિ મળે છે.
5. ફેંગશુઇ અનુસાર, પ્લાસ્ટિકની બનેલી વિન્ડ ચાઇમ લગાવવી અશુભ માનવામાં આવે છે. તેનાથી નકારાત્મકતા વધી શકે છે.

6. ફેંગશુઈ મુજબ ઘરની પશ્ચિમ અથવા ઉત્તર-પશ્ચિમ દિશામાં ધાતુથી બનેલી વિન્ડ ચાઈમ્સ લગાવવી શુભ થાય છે. આ સિવાય, લાકડાની અથવા વાંસની વિંડ ચાઇમ્સ દક્ષિણ -પૂર્વ અથવા દક્ષિણ દિશામાં સ્થાપિત કરી શકાય છે.

 

Patel Meet