સનાતન ધર્મમાં ભાદરવા શુક્લ ચતુર્દશી એટલે કે અનંત ચતુર્દશીનું ધાર્મિક અને આધ્યાત્મિક દ્રષ્ટિએ અનન્ય મહત્વ છે. આ પવિત્ર દિવસે એક તરફ ભગવાન શ્રી હરિ વિષ્ણુના ‘અનંત’ સ્વરૂપનું પૂજન કરી 14 ગાંઠ ધરાવતો પવિત્ર સૂત્ર ધારણ કરવામાં આવે છે, તો બીજી તરફ વિઘ્નહર્તા ગણપતિ બાપ્પાનું ગણેશ વિસર્જન કરવામાં આવે છે. આ વર્ષે અનંત ચતુર્દશી માત્ર ધાર્મિક જ નહીં પરંતુ જ્યોતિષીય ગણતરીની દ્રષ્ટિએ પણ અત્યંત ખાસ બની રહી છે. આ દિવસે કુંભ રાશિમાં ચંદ્ર અને રાહુની યુતિ થવાથી લગભગ 18 વર્ષ પછી એક દુર્લભ ‘ગ્રહણ યોગ’ રચાઈ રહ્યો છે, સાથે જ ધનિષ્ઠા, શતભિષા અને પૂર્વાભાદ્રપદ નક્ષત્રમાંથી ચંદ્રના પરિભ્રમણને કારણે ‘પંચક’નો પ્રભાવ પણ રહેશે. રાહુ અને ચંદ્રના આ અનોખા ગોચરથી 4 વિશેષ રાશિઓના જીવનમાં આર્થિક પ્રગતિ અને સફળતાના દ્વાર ખુલશે.
મેષ રાશિ (Aries):
મેષ રાશિના જાતકો માટે આ ગ્રહણ યોગ 11મા (આવક અને લાભ) ભાવમાં બની રહ્યો છે. જ્યોતિષશાસ્ત્ર મુજબ 11મા ઘરમાં રાહુ અને ચંદ્રની યુતિ આર્થિક રીતે અત્યંત શુભ ફળદાયી માનવામાં આવે છે. આ સમયગાળા દરમિયાન તમારી આવકના નવા સ્ત્રોત ઊભા થશે અને જૂના અટકેલા કે ફસાયેલા નાણાં પરત મળવાની પૂર્ણ શક્યતા છે. જો તમે વેપાર સાથે જોડાયેલા છો તો કોઈ મોટી ડીલ ફાઈનલ થઈ શકે છે, જે ભવિષ્યમાં જબરદસ્ત આર્થિક લાભ આપશે.
મિથુન રાશિ (Gemini):
મિથુન રાશિના લોકો માટે આ સંયોગ 9મા (ભાગ્ય અને ધર્મ) ભાવમાં બની રહ્યો છે. ભાગ્યનો પૂર્ણ સાથ મળવાથી તમારા લાંબા સમયથી અટકેલા કામ અચાનક પૂરા થવા લાગશે. જે વિદ્યાર્થીઓ કે પ્રોફેશનલ્સ ઉચ્ચ શિક્ષણ, વિદેશ વેપાર અથવા ઓનલાઈન બિઝનેસ સાથે સંકળાયેલા છે, તેમને કોઈ મોટી તક કે નવો પ્રોજેક્ટ મળી શકે છે. આ સમય દરમિયાન ધાર્મિક અને પ્રેરણાદાયી યાત્રાઓના યોગ પણ પ્રબળ બની રહ્યા છે.
તુલા રાશિ (Libra):
તુલા રાશિના જાતકો માટે ચંદ્ર અને રાહુની આ યુતિ 5મા (બુદ્ધિ, સંતાન અને લાભ) ભાવમાં રચાઈ રહી છે. આ સમયે અન્ય શુભ ગ્રહોની દ્રષ્ટિ પણ તુલા રાશિ પર હોવાથી તમને અચાનક ધનલાભ થઈ શકે છે. જો તમે શેર માર્કેટ, મ્યુચ્યુઅલ ફંડ કે કોઈ જૂના રોકાણમાં પૈસા રોકેલા છે, તો તેમાંથી સારું વળતર મળવાની સંભાવના છે. રચનાત્મક, આર્ટ્સ અને મીડિયા ક્ષેત્ર સાથે જોડાયેલા લોકોને આ સમયે મોટું નામ, ઓળખ અને સન્માન પ્રાપ્ત થશે.
ધન રાશિ (Sagittarius):
ધન રાશિના લોકો માટે રાહુ અને ચંદ્ર 3જા (પરાક્રમ અને સાહસ) ભાવમાં બિરાજમાન રહેશે. આ ગ્રહ સ્થિતિને કારણે તમારા આત્મવિશ્વાસ અને નિર્ણયશક્તિમાં જબરદસ્ત વધારો થશે. નોકરીયાત વર્ગ માટે ઓફિસ કે કાર્યસ્થળ પર નવી જવાબદારીઓ અથવા પદોન્નતિ (Promotion) ના યોગ બની રહ્યા છે. તમે તમારા વિરોધીઓ અને સ્પર્ધકો પર ભારે પડશો અને તમારી કામ કરવાની શૈલીની ચો તરફ પ્રશંસા થશે.
(Disclaimer: ઉપરોક્ત માહિતી માન્યતા અને જાણકારીઓ તેમજ જ્યોતિષીય પર આધારિત છે, ગુજ્જુરોકસ આની પુષ્ટિ કરતુ નથી.)
