અમેરિકાના એક વિમાનમાં એક વિચિત્ર ઘટના સામે આવી છે. શનિવારે અમેરિકાના ફ્લોરિડા જતી ફ્લાઇટમાં એક કપલ તેમની સીટ પર સેક્સ કરતા જોવા મળ્યું. ફ્લાઇટ દરમિયાન બે બાળકોએ પહેલા તેમને યૌન સંબંધ બાંધતા જોયા. તેમણે ક્રૂ મેમ્બર્સને આ વિશે જાણ કરી. આ પછી એરપોર્ટ પર ઉતરતાની સાથે જ બંનેની ધરપકડ કરવામાં આવી.
WWSB ના મીડિયા રિપોર્ટ મુજબ, ડેનબરીના રહેવાસી 43 વર્ષીય ટ્રિસ્ટા એલ.રીલી અને 42 વર્ષીય ક્રિસ્ટોફર ડ્રૂ અર્નોલ્ડને ન્યૂયોર્કથી સારાસોટા, ફ્લોરિડા જતી જેટબ્લુ ફ્લાઇટમાં ઉતરતાની સાથે જ ધરપકડ કરવામાં આવી હતી. બાળકોની માતાએ ફ્લાઇટ એટેન્ડન્ટને જણાવ્યું હતું કે તેના બાળકોએ બે અન્ય મુસાફરોને તેમની સીટ પર સેક્સ કરતા જોયા હતા. અધિકારીઓએ WWSB ને જણાવ્યું હતું કે ફ્લાઇટ એટેન્ડન્ટને તે જગ્યાએ લઈ જવામાં આવ્યો હતો જ્યાં બંને બેઠા હતા અને એટેન્ડન્ટે જોયું કે બંને ગંદુ કૃત્ય કરી રહ્યા હતા.
એક અહેવાલ મુજબ, બાળકોની માતાએ કહ્યું કે જ્યારે કપલને ખબર પડી કે બંને બાળકો જોઈ રહ્યા છે, ત્યારે પણ તેઓ રોકાયા નહીં. શનિવારે સવારે 11:30 વાગ્યે (સ્થાનિક સમય) વિમાનના સારાસોટા બ્રેડૈંટન આંતરરાષ્ટ્રીય એરપોર્ટ પર ઉતર્યા બાદ દંપતીની ધરપકડ કરવામાં આવી હતી. રીલી અને ક્રિસ્ટોફર પર સગીરોની હાજરીમાં અશ્લીલ-લંપટ કૃત્ય કરવાનો ગુનો દાખલ કરવામાં આવ્યો હતો. કોર્ટના રેકોર્ડ દર્શાવે છે કે તેમને જામીન વિના મુક્ત કરવામાં આવ્યા હતા અને ૧૫ ઓગસ્ટના રોજ તેમને હાજર કરવામાં આવશે.
