મેરઠના લિસાડી ગેટ પોલીસ સ્ટેશન વિસ્તારના અહમદનગરમાંથી એક શરમજનક ઘટના સામે આવી, જેણે સમગ્ર વિસ્તારને હચમચાવી નાખ્યો. 20 મેના રોજ બપોરે એક બુરખો પહેરેલી મહિલા તેની દીકરી સાથે રસ્તા પર ચાલી રહી હતી, ત્યારે મોપેડ પર સવાર એક યુવકે અચાનક જાહેરમાં મહિલાને કિસ કરી અને ઘટનાસ્થળેથી ભાગી ગયો.
આ સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ હતી. આ ઘટનાનો વીડિયો 26 મેના રોજ સોશિયલ મીડિયા પર વાયરલ થયો હતો, ત્યારબાદ પોલીસ એક્શનમાં આવી ગઈ અને વાયરલ વીડિયોના આધારે તપાસ શરૂ કરી મોડી સાંજે આરોપી સુહેલની ધરપકડ કરી.
મેરઠના વરિષ્ઠ પોલીસ અધિક્ષક એ તાત્કાલિક કાર્યવાહીનો આદેશ આપ્યો હતો. પોલીસે વીડિયોના સ્થાનની પુષ્ટિ કરી અને આરોપીને ઓળખવા માટે ટીમો બનાવી. લગભગ સાત કલાકની મહેનત પછી આરોપીની ઓળખ અહમદનગરના રહેવાસી સુહેલ તરીકે થઈ. પોલીસે તેની ધરપકડ કરી અને પોલીસ સ્ટેશન લઈ ગયા.
View this post on Instagram
ધરપકડ પછી પોલીસ કસ્ટડીમાં સુહેલે તેના કાન પકડીને માફી માંગી અને કહ્યું, ‘સાહેબ, મેં ભૂલ કરી છે, તે ફરી ક્યારેય નહીં થાય.’ પોલીસે આરોપી વિરુદ્ધ કેસ નોંધ્યો છે અને તેને કોર્ટમાં રજુ કરવામાં આવ્યો.
थाना लिसाड़ी गेट क्षेत्र अंतर्गत महिला के साथ अभद्रता के प्रकरण में वीडियो के आधार पर अभियुक्त सुहैल को गिरफ्तार किया गया है। मुक़दमा दर्ज कर कार्यवाही की जा रही है । #UPPolice #Meerut pic.twitter.com/k9VpSxEPFS
— MEERUT POLICE (@meerutpolice) May 26, 2025
