1 કપ ચાની વધારેમાં વધારે કિંમત કેટલી હોઈ શકે ? આનો જવાબ એ હશે કે 5 સ્ટાર હોટલમાં પણ ચાની કિંમત 5 હજાર રૂપિયાથી વધુ નહીં હોય. પરંતુ દુબઈના એક કેફેમાં એક ખાસ પ્રકારની ચા એટલી મોંઘી કિંમતે વેચાઈ રહી છે કે લોકો આશ્ચર્યચકિત થઈ રહ્યા છે. 1 કપ ચાની કિંમત 1 લાખ રૂપિયા છે. દુબઈના આ કેફેની માલિકી ભારતીય મૂળની મહિલાની છે.
આ લખપતિ ચા દુબઈના બોહો કેફેમાં પીરસવામાં આવી રહી છે. આ કેફેની માલિકનું નામ સુચેતા શર્મા છે, જે ભારતીય મૂળની ઉદ્યોગસાહસિક છે. આ ચાની કિંમત AED 5000 (અંદાજે 1.14 લાખ રૂપિયા) છે. આ ચાની મોટી કિંમત પાછળ ઘણી ખાસ વસ્તુઓ છે. આ ચા ચાંદીના કપમાં પીરસવામાં આવે છે અને તેમાં 24 કેરેટ ગોલ્ડ લીફ છે. ગોલ્ડ પ્લેટેડ ક્રોઈસન્ટ્સ પણ ચા સાથે પીરસવામાં આવે છે. સાથે જ ગોલ્ડનું એક સ્મૃતિ ચિન્હ પણ આપવામાં આવે છે જે ગ્રાહક રાખી શકે છે.
આ ચાનું નામ ગોલ્ડ કડક ટી છે. જ્યારથી આ ગોલ્ડ કડક ટી ઈન્ટરનેટ પર વાયરલ થઈ છે, લોકો તેના વિશે રમુજી પ્રતિક્રિયાઓ આપી રહ્યા છે. એક યુઝરે કહ્યું કે આ ચા પીવા માટે EMI લેવી પડશે. બોહો કૈફે ડીઆઇએફસીના એમિરેટ્સ ફાઇનેંશિયલ ટાવર્સમાં છે. તેની ગોલ્ડ ટી જ નહિ પણ મેન્યુમાં અન્ય વસ્તુઓ પણ ખૂબ જ દિલચસ્પ છે. રીપોર્ટ્સ અનુસાર, બોહો કાફેના મેનૂમાં પ્રીમિયમ આઇટમ્સમાં ગોલ્ડ સ્મારિકા કોફી, ગોલ્ડ-ડસ્ટેડ ક્રોઇસૈન, ગોલ્ડ ડ્રિંક અને ગોલ્ડ આઈસ્ક્રીમનો પણ સમાવેશ થાય છે.
આ પહેલા બોહો કેફેની ગોલ્ડ આઈસ્ક્રીમ પણ સમાચારોમાં રહી ચૂકી છે. કેફેના માલિક સુચેતા શર્મા આ ખૂબ જ મોંઘી ખાદ્ય ચીજો વિશે કહે છે, ‘અમે વિશાળ સમુદાયની જરૂરિયાતો પૂરી કરવા માંગીએ છીએ, જે અલ્ટ્રા લક્ઝરી ટ્રીટમેન્ટ સાથે કંઈક અસાધારણ ઇચ્છે છે.
View this post on Instagram
