પ્રખ્યાત લોકગાયિકા શારદા સિંહાનું 5 નવેમ્બરની રાત્રે નિધન થયું. મલ્ટિપલ માયલોમા સામે લાંબી લડત બાદ દિલ્હીની એઈમ્સ હોસ્પિટલમાં તેમણે અંતિમ શ્વાસ લીધા. છઠ પૂજાના ગીતો માટે જાણીતા આ લોકગાયિકાએ છઠ પર્વ દરમિયાન જ જીવન યાત્રા પૂર્ણ કરી. તેમના નિધનથી બિહારના ખૂણે-ખૂણામાં શોકની લાગણી છવાઈ ગઈ છે. પરિવારજનો સહિત બિહારના લોકો આંસુ સારી રહ્યા છે. અંતિમ સંસ્કાર માટે તેમના પાર્થિવ દેહને બિહાર લાવવામાં આવ્યો હતો. અનેક વીડિયો અને તસવીરોમાં શારદાના પુત્ર સાથે સ્થાનિક લોકો રડતા જોવા મળી રહ્યા છે.
અંતિમ યાત્રાના વીડિયોમાં જોઈ શકાય છે કે શારદા સિંહાના પુત્ર અંશુમન સિંહાની સ્થિતિ ખરાબ છે. શારદાના પરિવાર સાથે બિહારનો દરેક વ્યક્તિ શોક મનાવી રહ્યો છે. છઠ પર્વ દરમિયાન શારદા સિંહાના નિધનથી તમામ લોકો દુ:ખી છે. બિહારના લોકોની સ્થિતિ એટલી ખરાબ છે કે એકબીજાને સંભાળવું પણ મુશ્કેલ બની ગયું છે.
માતાના નિધનથી પુત્ર અંશુમન સિંહા સંપૂર્ણપણે ભાંગી પડ્યા છે. વીડિયોમાં જોઈ શકાય છે કે શારદા સિંહાના નિધનથી અંશુમનની સ્થિતિ એટલી ખરાબ છે કે તેઓ બરાબર ચાલી પણ શકતા નથી. માતાના જવાથી તેમનું જીવન સૂનું થઈ ગયું છે. અંશુમનની પત્ની પણ ખૂબ દુ:ખી છે. વીડિયોમાં જોવા મળે છે કે શારદા સિંહાની પુત્રવધૂ તેમના પાર્થિવ દેહને પ્રેમથી સ્પર્શ કરી રહી છે અને નાકમાં રૂ મૂકી રહી છે.
VIDEO | Bihar: Mortal remains of Sharda Sinha reach her residence in Patna. The 72-year-old popular folk singer, known as ‘Bihar Kokila’ for her melodious rendition of Chhath and folk songs passed away at AIIMS, Delhi, yesterday.
(Full video available on PTI Videos -… pic.twitter.com/25niOjM4aO
— Press Trust of India (@PTI_News) November 6, 2024
અંતિમ યાત્રાના વીડિયોમાં દેખાય છે કે ગેંદાના ફૂલોથી તેમના પાર્થિવ દેહની ગાડીને શણગારવામાં આવી છે અને તિરંગો પણ લગાવવામાં આવ્યો છે. બિહારના મુખ્યમંત્રી નીતિશ કુમારે જાહેરાત કરી છે કે શારદા સિંહાના અંતિમ સંસ્કાર રાજકીય સન્માન સાથે કરવામાં આવશે. તેમની અંતિમ યાત્રામાં બિહારમાં લાખો લોકોની ભીડ ઉમટી છે.
