કોણ છે રોશની નાદર ? ગિફ્ટમાં મળી HCL કોર્પ અને વામા દિલ્હીની 47% ભાગીદારી
અરબપતિ શિવ નાદરે HCL Corp અને Vama Delhi માં દીકરી રોશની નાદરને ગિફ્ટ કરી 47% ભાગીદારી
HCL ના સ્થાપક શિવ નાદરે HCL કોર્પ અને વામા દિલ્હીમાં તેમનો 47 ટકા હિસ્સો ભેટમાં આપ્યો છે. તેમણે આ ભેટ તેમની પુત્રી રોશની નાદર મલ્હોત્રાને આપી છે. પિતાના આ પગલાને કારણે રોશની નાદર રાતોરાત માત્ર ભારતની જ નહીં પણ એશિયાની સૌથી ધનિક ઉદ્યોગપતિ બની ગઈ. શેરબજારને માહિતી આપતાં HCL ટેકએ જણાવ્યું હતું કે હિસ્સાના ટ્રાન્સફર પછી, રોશની પાસે નિયંત્રણ હિસ્સો રહેશે. શિવ નાદરે વ્યૂહાત્મક ઉત્તરાધિકાર આયોજનના ભાગ રૂપે આ ભેટ આપી છે.
આ ભેટ સાથે રોશની નાદર વામા દિલ્હી અને HCL કોર્પમાં બહુમતી શેરહોલ્ડર બનશે. HCL ઇન્ફોસિસ્ટમ્સ લિમિટેડે પણ આ માહિતી આપી છે. વામા દિલ્હી અને HCL કોર્પમાં તેના હિસ્સાના આધારે, રોશની HCL ઇન્ફોસિસ્ટમ્સ લિમિટેડ અને HCL ટેકની સૌથી મોટી શેરહોલ્ડર બનશે. રોશન નાદર HCL ઇન્ફોસિસ્ટમ્સમાં વામા દિલ્હીનો 12.94 ટકા અને HCL કોર્પનો 49.94 ટકા હિસ્સો ખરીદશે. રોશની HCL ટેકમાં વામા દિલ્હીનો 44.17 ટકા અને HCL કોર્પનો 0.17 ટકા હિસ્સો ખરીદશે.
ફાઇલિંગમાં જણાવાયું છે કે શિવ નાદર દ્વારા 6 માર્ચ, 2025 ના રોજ વામા સુંદરી ઇન્વેસ્ટમેન્ટ્સ (દિલ્હી) પ્રાઇવેટ લિમિટેડ (વામા દિલ્હી) અને એચસીએલ કોર્પોરેશન પ્રાઇવેટ લિમિટેડ (એચસીએલ કોર્પ) માં તેમના 47 ટકા શેરહોલ્ડિંગના ટ્રાન્સફર માટે તેમની પુત્રી રોશની નાદર મલ્હોત્રાના પક્ષમાં ગિફ્ટ ડીડ કરવામાં આવી છે. આ ટ્રાન્સફરથી HCLના ભાવિ વિકાસમાં પરિવારના નેતૃત્વને મજબૂત બનાવવાની અપેક્ષા છે.
ફાઇલિંગમાં વધુમાં જણાવાયું છે કે ગિફ્ટ ડીડ ઉત્તરાધિકારને સુવ્યવસ્થિત કરવાના હેતુથી ખાનગી કૌટુંબિક વ્યવસ્થા અનુસાર બનાવવામાં આવ્યું છે. આ પગલાથી શિવ નાદર પરિવાર (પ્રમોટર પરિવાર) તરફથી માલિકી અને નિયંત્રણની સાતત્યતા સુનિશ્ચિત થશે અને કંપનીને સ્થિરતા મળશે. ગિફ્ટ ડીડ પહેલા, શિવ નાદર અને રોશની નાદર વામા દિલ્હી અને એચસીએલ કોર્પમાં અનુક્રમે 51 ટકા અને 10.33 ટકા હિસ્સો ધરાવતા હતા. પરંતુ હવે આ આંકડો બદલાશે.
રોશની નાદર મલ્હોત્રાએ નોર્થવેસ્ટર્ન યુનિવર્સિટીમાંથી કોમ્યુનિકેશનમાં ગ્રેજ્યુએટ ડિગ્રી મેળવી છે. તેમણે કેલોગ સ્કૂલ ઓફ મેનેજમેન્ટમાંથી MBA પણ કર્યું છે. તે IT સેવાઓ અને સલાહકાર કંપની HCL ટેકના અધ્યક્ષ છે. જુલાઈ 2020 માં તેમની આ પદ માટે પસંદગી કરવામાં આવી હતી. આ ઉપરાંત, રોશની શિવ નાદર ફાઉન્ડેશન દ્વારા પરોપકારી પ્રવૃત્તિઓમાં પણ સામેલ રહી છે. રોશની નાદર મલ્હોત્રા નોર્થવેસ્ટર્ન યુનિવર્સિટીમાંથી કોમ્યુનિકેશનમાં ગ્રેજ્યુએટ ડિગ્રી ધરાવે છે. તેમણે કેલોગ સ્કૂલ ઓફ મેનેજમેન્ટમાંથી MBA કર્યું છે. તે IT સેવાઓ અને સલાહકાર કંપની HCL ટેકના અધ્યક્ષ છે.
તેમણે જુલાઈ 2020માં આ જવાબદારી સંભાળી. આ ઉપરાંત, રોશની શિવ નાદર ફાઉન્ડેશન દ્વારા પરોપકારી પ્રવૃત્તિઓમાં પણ સામેલ છે. બ્લૂમબર્ગ બિલિયોનેર્સ ઇન્ડેક્સ’ અનુસાર, રોશની હવે 3.13 લાખ કરોડ રૂપિયાની નેટવર્થ સાથે ત્રીજા સૌથી ધનિક ભારતીય મહિલા બની ગઈ છે. તેમના કરતાં વધુ સંપત્તિ ફક્ત મુકેશ અંબાણી અને ગૌતમ અદાણી પાસે જ છે.રોશની પહેલાં, તેના પિતા શિવ નાદર ભારતના ત્રીજા સૌથી ધનિક વ્યક્તિ હતા. રોશનીએ સાવિત્રી જિંદાલને પાછળ ધકેલી દીધાં છે, જેમની પાસે 2.63 લાખ કરોડ રૂપિયાની સંપત્તિ છે.
