યુકેની નોર્થમ્બ્રિયા યુનિવર્સિટીમાં 18 વર્ષીય વિદ્યાર્થી ઉદકર્ષ યાદવે એક યુવતિના રૂમમાં ઘૂસીને કંઈક એવું કર્યું જેનાથી તેનું ભવિષ્ય દાવ પર લાગી ગયું છે. તે ન્યૂકૈસલના ટ્રિનિટી સ્ક્વેર ગેટ્સહેડ હોસ્ટેલમાં એક છોકરીના રૂમમાં ઘૂસી ગયો, હસ્તમૈથુન કર્યું અને બેડશીટ અને ટેડી બિયર પર પોતાનું વીર્ય ઢોળ્યુ. આ ગુના બદલ કોર્ટે ઉદકર્ષ યાદવને 14 મહિનાની કેદની સજા ફટકારી છે. તેને હોસ્ટેલમાંથી પણ કાઢી મૂકવામાં આવ્યો છે. યુનિવર્સિટીએ એમ પણ કહ્યું કે તે પ્રવેશ પર પુનર્વિચાર કરશે.
જો કે તેની સજા 2 વર્ષ માટે સ્થગિત કરવામાં આવી છે. એટલે કે જો તે 2 વર્ષ સુધી બીજો કોઈ ગુનો ન કરે તો આ સજા માફ થઈ જશે. મીડિયા રિપોર્ટ્સ અનુસાર, જ્યારે ફર્સ્ટ યરની વિદ્યાર્થીની ક્રિસમસની રજાઓ પછી તેના હોસ્ટેલ રૂમમાં પાછી આવી ત્યારે તેણે જોયું કે તેના બેડ અને ટેડી બીયર પર એક જાડો સફેદ પદાર્થ જમા થઈ ગયો હતો. આ બધું જોયા પછી વિદ્યાર્થીનીને શંકા ગઈ અને તેણે ફરિયાદ નોંધાવી. જ્યારે તપાસ કરવામાં આવી ત્યારે જાણવા મળ્યું કે તે ઉદકર્ષનું વીર્ય હતું.
ધરપકડ બાદ, ઉદકર્ષે કહ્યું કે તે ખોટા માર્ગે ચાલી ગયો હતો. જો તમારા મનમાં આ પ્રશ્ન આવી રહ્યો હોય કે એક ભારતીય વિદ્યાર્થી બીજી વિદ્યાર્થીનીના રૂમમાં કેવી રીતે ઘૂસી ગયો? તો આ ભૂલ યુનિવર્સિટી દ્વારા કરવામાં આવી હતી. ઉદકર્ષ પાસે એક ચાવી હતી જે બધા રૂમના તાળાઓમાં ફીટ થઈ શકતી હતી. જો તપાસની વાત કરીએ તો ડીએનએ પરીક્ષણ પછી જાણવા મળ્યું કે ટેડી બીયર પર પડેલો પદાર્થ ઉદકર્ષનું વીર્ય હતું. એવું કહેવામાં આવી રહ્યું છે કે હવે વિદ્યાર્થીનીએ હોસ્ટેલ છોડી દીધી છે અને બીજે ક્યાંક મિત્રના ઘરે રહેવા લાગી છે.
રિપોર્ટમાં કહેવામાં આવ્યું છે કે વિદ્યાર્થીની આ બધું વિચારીને ખૂબ જ દુઃખી હતી અને તેને ખૂબ જ ખરાબ લાગ્યું કે તેના ફોટા જોયા પછી કોઈ આ ગંદુ કૃત્ય કરી રહ્યું છે. નોર્થમ્બ્રિયા યુનિવર્સિટીએ જણાવ્યું હતું કે મુખ્ય ભૂલ હવે સુધારી લેવામાં આવી છે અને કડક સુરક્ષા પગલાં લેવામાં આવ્યા છે. યુનિવર્સિટીએ કહ્યું, ‘આવા કિસ્સાઓમાં કડક શિસ્તભંગના પગલાં લેવામાં આવશે.’ આ ઉપરાંત, ઉદકર્ષનો અગાઉ કોઈ ગુનાહિત રેકોર્ડ નહોતો. તેમના વકીલે કોર્ટને જણાવ્યું હતું કે અપરિપક્વતા અને એકલતાને કારણે આ ગુનો થયો હતો. હવે તેને યુનિવર્સિટીમાંથી હાંકી કાઢવામાં આવશે અને તેનો વિઝા રદ થવાનો ભય છે.
