ફિલ્મ ‘યારિયાં’થી ડેબ્યુ કરનાર એક્ટર હિમાંશ કોહલીની મહેંદી સેરેમની પછી હવે વેડિંગ ફોટોઝ પણ હવે સામે આવી ગયા છે. જેમાં એક્ટર તેની દુલ્હન પર પ્રેમ વરસાવતો જોવા મળી રહ્યો છે. ફોટોઝ સોશ્યિલ મીડિયા ઉપર છવાઈ ગઈ છે. હિમાંશ કોહલીના લગ્નના ફોટોઝ સોશ્યિલ મીડિયા ઉપર સામે આવતાની સાથે જ વાયરલ થઇ ગયા.
હિમાંશ આ ફોટોઝમાં ડાર્ક પિંક શેરવાની અને લાલ પાઘડીમાં જોવા મળી રહ્યો છે. લગ્નના આ ફોટોઝમાં એક્ટર તેની પત્નીના માથા પર કિસ કરી તેના પર પ્રેમ વરસાવતો પણ જોવા મળે છે. આ ઉપરાંત હિમાંશ કોહલીની પત્ની આ ફોટોઝમાં ગોલ્ડન અને પિંક આઉટફિટમાં ખુબજ સુંદર લાગી રહી છે.
જ્વેલરીની વાત કરીએ તો તેણે માથા પટ્ટી, ગોલ્ડન નેકલેસ અને બંગડીઓ કેરી કરી છે. હિમાંશ કોહલીએ તેની દુલ્હન જોડે ઘણી સિંપલ રીતે લગ્ન કર્યા. બંનેએ તેમના પરિવારની હાજરીમાં મંદિરમાં સાત ફેરા લીધા હતા. હિમાંશના લગ્નની તસવીરો જોઈ ચાહકો તેને અભિનંદન પાઠવી રહ્યા છે.
એક્ટરે ઘણી તસવીરો શેર કરી જેમાં, તે વરરાજા બનેલો જોવા મળી રહ્યો હતો. તેમજ વરરાજા બન્યા પછી હિમાંશ ડાન્સ કરતા પણ જોઈ શકાય છે. આ ફોટોઝમાં તેના ચહેરા પર લગ્નની ખુશી સાફ દેખાઈ રહી હતી.
હિમાંશની પત્નીનો ફિલ્મ જગતથી કોઈ તાલ્લુક નથી. હાલમાં જ હિંમાંશ કોહલીની મહેંદી સેરેમનીની તસવીરો વાયરલ થઇ હતી, જેમાં તે ઝૂમતો જોવા મળી રહ્યો હતો. તેણે તેના હાથમાં H.V લખ્યુ હતુ જે બાદ લોકો ક્યાસ લગાવી રહ્યા હતા કે તેની દુલ્હન કોણ છે.
હિમાંશની મહેંદી સેરેમનીના ફોટોઝ પણ ખુબ વાયરલ થયા હતા. હિમાંશ કોહલીની સોશ્યિલ મીડિયા પોસ્ટથી ખબર પડી રહી છે કે તેની પત્નીનું નામ વિની છે. જો કે તે શું કરે છે તેના વિશે વધારે માહિતી ઉપલબ્ધ નથી.
જણાવી દઇએ કે, હિમાંશ કોહલી પહેલા નેહા કક્કરને ડેટ કરી રહ્યો હતો. તે બંનેએ એક રિયાલિટી શોમાં પોતાના રિલેશન વિશે જણાવ્યું હતું. બ્રેકઅપ બાદ એક્ટરને ઘણો ટ્રોલ કરવામાં આવ્યો હતો. જો કે હિમાંશ જોડે બ્રેકઅપ બાદ નેહાએ પંજાબી સિંગર રોહનપ્રિત સિંહ જોડે લગ્ન કરી લીધા. હાલ નેહા અને રોહનપ્રીત તેમના લગ્ન જીવનમાં ઘણા ખુશ છે.
હિમાંશ કોહલીના કરિયરની વાત કરીએ તો તેણે વર્ષ 2011માં લાઈફ ટીવી શૉથી કરી હતી. ફિલ્મ યારિયાંએ એક્ટરને એક આગવી ઓળખ અપાવી. આ ફિલ્મમાં તેને ઘણું સારું પ્રદર્શન આપ્યું હતું, પરંતુ તેના પછી ફિલ્મ ‘સ્વીટી વેડ્સ એનઆરઆઈ’,’રાંચી એક્સપ્રેસ’ અને ‘દિલ જો ના કહા’ આવી, પરંતુ બધી બોક્સ ઓફિસ પર ચાલી ન હતી. તેના પછીથી એક્ટર પરદાથી દૂર છે.
