ગૌતમ અદાણી લાંચ કૌભાંડમાં ફસાયેલા છે, અમેરિકામાં ગૌતમ અદાણી સહિત 8 લોકો પર 2200 કરોડ રૂપિયાની લાંચ આપવાનો આરોપ છે. યુનાઇટેડ સ્ટેટ્સ એટર્ની ઓફિસ અનુસાર, અદાણીએ ભારતીય અધિકારીઓને ભારતમાં સૌર ઊર્જા સંબંધિત કોન્ટ્રેક્ટ મેળવવા માટે $265 મિલિયન એટલે કે લગભગ રૂ. 2200 કરોડની લાંચ ચૂકવી અથવા તો આપવાની યોજના બનાવી હતી.
જો કે આ વચ્ચે એક ફોટો સોશિયલ મીડિયા પર વાયરલ થઇ રહ્યો છે જેમાં ગૌતમ અદાણી અમેરિકન પોલીસની કસ્ટડીમાં જોવા મળે છે. આ ફોટો X પર ઘણા વેરિફાઈડ અને નોન-વેરિફાઈડ યુઝર્સે શેર કર્યો છે. એક યુઝરે ફોટો શેર કરી લખ્યું- બિગ બ્રેકિંગઃ યુએસ ફેડરલ કોર્ટે ગૌતમ અદાણી અને તેમના ભત્રીજા સાગર માટે ધરપકડ વોરંટ જાહેર કર્યું છે અને બંનેને ન્યૂયોર્કમાં ભ્રષ્ટાચારના આરોપમાં દોષિત ઠેરવવામાં આવ્યા છે.
BREAKING NEWS: The US Federal Court has issued arrest warrants for Gautam Adani and his nephew Sagar Adani. The two have been convicted in New York on corruption charges. pic.twitter.com/kK6t0VKH0T
— Cornelius K. Ronoh (@itskipronoh) November 21, 2024
જો કે અદાણીનો ફોટો વાયરલ થતા તેની સત્યતા ચકાસવા રિવર્સ સર્ચ કરવામાં આવ્યુ અને આવો ફોટો કોઈપણ મીડિયા રિપોર્ટ અથવા અધિકૃત પ્લેટફોર્મમાં મળ્યો નથી. આ ફોટો સંપૂર્ણપણે AIની મદદથી બનાવવામાં આવ્યો છે. AI ઇમેજ ડિટેક્ટર ટૂલે આ ફોટોને 99% AI જનરેટેડ જાહેર કર્યો છે. એટલે કે ગૌતમ અદાણીની ધરપકડ થઇ નથી.
