ગ્રહોના પરિવર્તનથી બદલાશે તમારી કિસ્મત, આ પાંચ રાશિના જાતકો થઈ જશે માલામાલ!
જ્યોતિષ શાસ્ત્ર અનુસાર વર્ષ 2025નો મે મહિનો ખગોળશાસ્ત્રની દ્રષ્ટિએ ખૂબ જ ખાસ રહેવાનો છે,આ મહિનામાં ગ્રહોના આ પ્રકારના ગોચરની અસર તમામ રાશિઓ પર દેખાશે. ચાલો જાણીએ કે કયા ગ્રહો કઈ રાશિમાં અને ક્યારે પ્રવેશ કરશે.
સૂર્ય 1 થી 14 મે સુધી મેષ રાશિમાં રહેશે અને પછી 15 મેના રોજ રાત્રે 12:20 વાગ્યે વૃષભ રાશિમાં પ્રવેશ કરશે.ગુરુ હાલમાં વૃષભ રાશિમાં છે, પરંતુ 17 મેના રોજ રાત્રે 11:20 વાગ્યે મિથુન રાશિમાં પ્રવેશ કરશે. શુક્ર મીન રાશિમાં છે અને 31 મેના રોજ સવારે 11:42 વાગ્યે મેષ રાશિમાં પ્રવેશ કરશે. બુધ મીન રાશિથી શરૂ થઈને 7 મેના રોજ સવારે 4:13 વાગ્યે મેષ રાશિમાં પ્રવેશ કરશે અને બાદમાં 23 મેના રોજ બપોરે 1:05 વાગ્યે વૃષભ રાશિમાં પ્રવેશ કરશે. મંગળ આખા મહિના દરમિયાન કર્ક રાશિમાં રહેશે, જ્યારે શનિ મીન રાશિમાં સ્થિર રહેશે. રાહુ અને કેતુ 18 મેના રોજ સાંજે 4:30 વાગ્યે રાશિ બદલશે. જેમાં રાહુ કુંભ રાશિમાં અને કેતુ સિંહ રાશિમાં ગોચર કરશે, જ્યારે 1 થી 18 મે સુધી રાહુ મીન રાશિમાં અને કેતુ કન્યા રાશિમાં રહેશે. ગ્રહોની આ ગતિને કારણે કેટલીક રાશિના લોકોને ખૂબ ફાયદો થવાનો છે. ચાલો જાણીએ કે કઈ રાશિઓ માટે મે મહિનો સારો રહેવાનો છે.
મેષ રાશિ
મેષ રાશિના જાતકો માટે આ મહિનો ઉર્જા અને તકોથી ભરેલો રહેશે. 1 થી 14 મે સુધી સૂર્ય મેષ રાશિમાં રહેશે, જે તમારા આત્મવિશ્વાસ અને નેતૃત્વ કૌશલ્યને જબરદસ્ત પ્રોત્સાહન આપશે. કારકિર્દી, વ્યવસાય અને પ્રાઈવેટ લાઇફ દરેક ક્ષેત્રમાં લાભ મળશે. 7 મેના રોજ બુધનો મેષ રાશિમાં પ્રવેશ તમારા કોમ્યુનિકેશનને વધુ મજબૂત બનાવશે, એટલે કે મીટિંગ્સ અને ડીલમાં તમારી વાત વધુ મહત્વની રહેશે. 31 મેના રોજ મેષ રાશિમાં શુક્રનું આગમન તમારી લવ લાઈફ અને ફાયનાન્શિયલ ગ્રોથને મજબૂત કરશે. મંગળ કર્ક રાશિમાં હોવાથી ભાવનાત્મક બેલેન્સ જાળવવામાં મદદ મળશે. મેષ રાશિના લોકો માટે આ મહિનો નોકરીમાં પ્રમોશન, વ્યવસાયમાં નફો અને અંગત જીવનમાં ખુશી લાવશે.તમારી યોજનાઓ સફળ થશે અને તમારો આત્મવિશ્વાસ અકબંધ રહેશે. જોકે, રાહુ-કેતુનો પ્રભાવ માનસિક તણાવ અને બેચેની લાવી શકે છે, તેથી તમારા સ્વાસ્થ્યનું ખાસ ધ્યાન રાખો. કોઈ મોટા નિર્ણયો લેવામાં ઉતાવળ ન કરો અને કાળજીપૂર્વક વિચાર કર્યા પછી જ પગલાં લો.
વૃષભ રાશિ
વૃષભ રાશિના જાતકો માટે મે મહિનો સારો સાબિત થશે. સૂર્ય અને બુધનો પ્રવેશ ખૂબ જ શુભ રહેશે. 15 મેના રોજ સૂર્યનો વૃષભ રાશિમાં પ્રવેશ તમારા વ્યક્તિત્વ અને નિર્ણય લેવાની શક્તિને હાઈલાઈટ કરશે. ગુરુ 14 મે સુધી વૃષભ રાશિમાં રહેશે, જે તમારા જીવનમાં સંપત્તિ, સફળતા અને આધ્યાત્મિક વિકાસની ઘણી તકો લાવશે. 23 મેના રોજ બુધનો વૃષભ રાશિમાં પ્રવેશ નાણાકીય આયોજન અને કારકિર્દીના લક્ષ્યોને વધુ મજબૂત બનાવશે. નવું ઇન્વેસ્ટમેન્ટ હોય કે નોકરીમાં મોટો પ્રોજેક્ટ દરેક બાબતમાં તમે આગળ રહેશો. લવ લાઈફમાં સ્થિરતા રહેશે અને તમને પરિવાર સાથે સારો સમય પસાર કરવાની તકો પણ મળશે. ગુરુ મિથુન રાશિમાં પ્રવેશ કર્યા બાદ પણ તમારી પ્રગતિ ચાલુ રહેશે. આર્થિક રીતે તમે સશક્ત બનશો અને સામાજિક રીતે તમારી પ્રતિષ્ઠા વધશે.
મિથુન રાશિ
આ રાશિના જાતકો માટે મે 2025 સર્જનાત્મકતા અને સફળતાનું અદ્ભુત મિશ્રણ માનવામાં આવી રહ્યુ છે. 14 મેના રોજ ગુરુનો મિથુન રાશિમાં પ્રવેશ તમને નવી શરૂઆત અને લાંબા ગાળાની યોજનાઓમાં સફળતા અપાવશે. અભ્યાસ, કારકિર્દી કે વ્યવસાયમાં તમારા વિચારોની દરેક વ્યક્તિ પ્રશંસા કરશે. 1 મેના રોજ મિથુન રાશિમાં ચંદ્રની હાજરી મહિનાની શરૂઆત ભાવનાત્મક રીતે સકારાત્મક અને મજબૂત બનાવશે. 23 મેના રોજ બુધનો વૃષભ રાશિમાં પ્રવેશ તમને નાણાકીય બાબતોમાં સમજદારીપૂર્વક નિર્ણયો લેવામાં મદદ કરશે. સામાજિક જીવન સારું પસાર થશે. લવ લાઇફમાં થોડી ધીરજ રાખવી પડશે, પરંતુ ગુરુનો સહયોગ તમને દરેક પડકારને પાર કરવામાં મદદ કરશે.
કર્ક રાશિ
કર્ક રાશિના જાતકો આ મહિનામાં ભાવનાત્મક અને વ્યાવસાયિક વિકાસ થશે. મંગળ આખા મહિના દરમિયાન કર્ક રાશિમાં રહેવાથી ઉર્જા અને આત્મવિશ્વાસ મળશે. કૌટુંબિક બાબતો હોય કે કારકિર્દી, કર્ક રાશિના લોકો દરેક જગ્યાએ બેલેન્સ જાળવશે. સૂર્ય અને બુધનું ગોચર તમારા સામાજિક જીવનને મજબૂત બનાવશે, જેનાથી નવા મિત્રો અને વ્યાવસાયિક સંબંધો બનશે. તમારી લવ લાઈફમાં તમારા જીવનસાથી સાથે રોમેન્ટિક ક્ષણોનો આનંદ માણશો. મંગળનો ટેકો તમને જોખમ લેવાની હિંમત આપશે. પરિવાર સાથે સુખ પણ વધશે.
સિંહ રાશિ
સિંહ રાશિના જાતકો માટે આ મહિનો સારો પસાર થવાનો છે. 18 મે ના રોજ કેતુનો સિંહ રાશિમાં પ્રવેશ તમારો આધ્યાત્મિક અને ભાવનાત્મક વિકાસ વધારશે. 15 મેથી સૂર્ય વૃષભ રાશિમાં રહેવાથી કારકિર્દીમાં સ્થિરતા અને સન્માન મળશે. તમારા બોસ અને સાથીદારો તમારી પ્રશંસા કરશે. મંગળ કર્ક રાશિમાં હોવાથી ભાવનાત્મક શક્તિ મળશે, જેનાથી મોટા નિર્ણયો લઈ શકશો. લવ લાઈફમાં જીવનસાથી સાથેનો સંબંધ વધુ ગાઢ બનશે. જો તમે સિંગલ હોવ તો નવા સંબંધ બની શકે છે. કરિયરમાં પ્રમોશન અથવા નવી નોકરીની ઓફર મળવાની શક્યતા છે.
(Disclaimer: ઉપરોક્ત માહિતી માન્યતા અને જાણકારીઓ તેમજ જ્યોતિષીય પર આધારિત છે, ગુજ્જુરોકસ આની પુષ્ટિ કરતુ નથી.)
