કોરિયોગ્રાફર ધનશ્રી વર્મા અને ક્રિકેટર યુઝવેન્દ્ર ચહલના તાજેતરમાં જ છૂટાછેડા થયા છે. તેમના બંનેના લગ્ન તૂટી ગયા છે અને તેઓ હંમેશા માટે એકબીજાથી અલગ થઈ ગયા છે. એવું કહેવામાં આવી રહ્યું છે કે લગ્નના બે વર્ષ પછી જ બંને વચ્ચે મતભેદો શરૂ થઇ ગયા હતા અને તેઓ અલગ રહેતા હતા. ત્યારે હવે તેમના છૂટાછેડા પાછળનું સાચું કારણ બહાર આવ્યું છે.
પત્રકાર વિક્કી લાલવાણીએ ધનશ્રી અને યુઝવેન્દ્રના અલગ થવા પાછળનું સાચું કારણ શેર કર્યું છે. તેમણે એક પોસ્ટ શેર કરી અને જણાવ્યું કે તેમના છૂટાછેડા પાછળનું સાચું કારણ શું હતું. વિક્કી લાલવાણીએ પોતાની ઓફિશિયલ ઇન્સ્ટાગ્રામ પોસ્ટમાં લખ્યુ- યુઝવેન્દ્ર અને ધનશ્રીના અલગ થવાનું કારણ ધનશ્રીની મુંબઈમાં રહેવાની ઇચ્છા હતી. તેણે ક્રિકેટરને હરિયાણામાં પોતાનું ઘર છોડી દેવા કહ્યું હતું.
ધનશ્રી અને યુઝવેન્દ્રના વ્યક્તિત્વ એકબીજાથી સંપૂર્ણપણે અલગ હતા. ધનશ્રી વર્મા ઇચ્છતી હતી કે યુઝી તેની સાથે મુંબઈ શિફ્ટ થાય, પરંતુ ભારતીય ક્રિકેટર આ વાત સાથે સહમત ન હતો. આ બાબતે બંને વચ્ચે એટલો બધો મતભેદ થયો કે તે છૂટાછેડા સુધી પહોંચી ગયો. જો કે, લગ્ન પછી ધનશ્રી હરિયાણામાં ચહલના પરિવાર સાથે રહેતી હતી, પરંતુ ટૂંક સમયમાં જ તે મુંબઈ શિફ્ટ થવાનો આગ્રહ કરવા લાગી, જેના કારણે મામલો છૂટાછેડા સુધી પહોંચી ગયો.
વિક્કી લાલવાણીએ પોતાના રિપોર્ટમાં દાવો કર્યો હતો કે લગ્ન પછી ધનશ્રી હરિયાણામાં રહેતી હતી. કોઈ મહત્વપૂર્ણ કામ હોય ત્યારે જ તે મુંબઈ જતી. મુંબઈમાં ધનશ્રીનું કામ ધીમે ધીમે વધવા લાગ્યું. આવી સ્થિતિમાં તેને સતત મુસાફરી કરવામાં મુશ્કેલી પડતી હતી. આ કારણોસર ચહલ સાથે ઝઘડો શરૂ થયો. જ્યારે ચહલ તેના માતા-પિતાથી અલગ રહેવા માંગતો ન હતો. તે પણ ઇચ્છતો હતો કે ધનશ્રી પરિવાર સાથે હરિયાણામાં રહે, પરંતુ બંને વચ્ચે કંઈ બન્યું નહીં.
જણાવી દઈએ કે યુઝવેન્દ્ર ચહલ હાલમાં ઇન્ડિયન પ્રીમિયર લીગ 2025માં પંજાબ કિંગ્સ તરફથી રમી રહ્યો છે. IPL 2025ની શરૂઆતના બે દિવસ પહેલા જ તેના ધનશ્રી સાથે છૂટાછેડા થયા. રીપોર્ટ અનુસાર, ચહલે છૂટાછેડાની એલિમની તરીકે 4.75 કરોડ રૂપિયા આપ્યા છે, જેમાંથી 2.37 કરોડ ચહલ ધનશ્રીને પહેલા જ આપી ચૂક્યો છે.
