બોલીવુડની તાજેતરની હિટ ફિલ્મ ‘સૈયારા’ સ્ટાર અનીત પડ્ડા ફિલ્મ મોટા પડદા પર આવ્યા બાદથી હેડલાઇન્સમાં છે. મોહિત સૂરીની રોમેન્ટિક ફિલ્મમાં અનિત સાથે એક્ટર અહાન પાંડે પણ છે. ત્યારે હાલમાં જ સૈયારા ફેમ એક્ટ્રેસ અનિત પડ્ડા તાજેતરમાં બાંદ્રામાં સિમ્પલ અને કૂલ લુકમાં જોવા મળી હતી.
સોશિયલ મીડિયા પર તેની તસવીરો ખૂબ વાયરલ થઈ રહી છે. અનિત આ દરમિયાન માસ્ક અને ખુલ્લા વાળમાં જોવા મળી હતી, તેને જોઇને ચાહકો પાગલ થઈ ગયા હતા. અનિત આ દિવસોમાં તેની ફિલ્મને લઈને ઘણી ચર્ચામાં છે.
ફિલ્મના પ્રમોશન વચ્ચે તે તાજેતરમાં મુંબઈના બાંદ્રામાં જોવા મળી હતી. આ દરમિયાન તેણે શર્ટ અને જીન્સ પહેર્યું હતું. આ આઉટફિટ સાથે તેણે વ્હાઇટ સ્નીકર્સ કેરી કર્યા હતા, જેનાથી તેનો લુક વધુ સ્ટાઇલિશ બન્યો હતો. ચાહકોને તેનો સિમ્પલ પણ કૂલ લુક ખૂબ ગમ્યો.
અનિત સ્પોટ થતાં જ ચાહકો અને મીડિયાની ભીડ ત્યાં એકઠી થઈ ગઈ હતી. અનિતની ફિલ્મ સૈયારાની વાત કરીએ તો એક સિંગર ક્રિશ કપૂર (અહાન પાંડે) અને પત્રકાર વાણી (અનિત પદ્દા) ની કહાની છે.
આ ફિલ્મની તુલના દિગ્દર્શક મોહિત સૂરીની પાછલી હિટ ફિલ્મો ‘આશિકી 2’ અને ‘એક વિલન’ સાથે કરવામાં આવી રહી છે. રિલીઝ થયા પછી, આ ફિલ્મ દર્શકોના દિલ જીતી રહી છે અને બોક્સ ઓફિસ પર સારું પ્રદર્શન કરી રહી છે.
