સુખી સમૃદ્ધ અમેરિકામાં ભારતીય મહિલા સાથે ગેરવર્તન, કપડાં ઉતારી પુરુષ અધિકારીએ કરી તપાસ, 8 કલાક સુધી ટોઇલેટ પણ ન જવા દેવામાં આવી

ભારતીય વ્યવસાયી મહિલા શ્રુતિ ચતુર્વેદીએ આરોપ લગાવ્યો છે કે એફબીઆઇના અધિકારીઓએ તેમને અમેરિકન એરપોર્ટ પર 8 કલાક સુધી તેને હિરાસતમાં રાખી હતી, જેના કીધે તે તેની ફ્લાઇટ પણ ચૂકી ગઈ હતી. સોશિયલ મીડિયા પર તેમની વાર્તા શેર કરતાં તેમણે કહ્યું કે એક પુરુષ અધિકારીએ કેમેરાની નિગરણાઈ હેઠળ શારીરિક તપાસ કરી.શ્રુતિએ કહ્યું કે આ બધું ફક્ત એટલા માટે થયું કે તેના હેન્ડબેગમાં એક પાવર બેંક હતી, જેને અલાસ્કાના અકોરેઝ એરપોર્ટ પર સુરક્ષા અધિકારીઓ દ્વારા ‘શંકાસ્પદ’ માનવામાં આવ્યું હતું.

તેણે એવો આરોપ પણ કર્યો હતો કે 8 કલાકની કસ્ટડી દરમિયાન તેમને શૌચાલયમાં જવાની મંજૂરી પણ આપવામાં આવી નહિ.ચાયપાની પબ્લિક રિલેશન ફર્મ ચલાવતા શ્રુતિ ચતુર્વેદીએ જણાવ્યું હતું કે, તેમને 8 કલાક માટે એફબીઆઇ અને પોલીસ દ્વારા અટકાયત કરવામાં આવી હતી. તેણે કહ્યું, “વિચારો, તમારે કોઈ મોટા કારણોસર કલાકો સુધી બેસાડી દેવામાં આવે, બિનજરૂરી પ્રશ્નો પૂછવામાં આવે, એક પુરુષ અધિકારી તમારા શરીરને કેમેરાની સામે તપાસે છે, તમારા ગરમ કપડાં, મોબાઇલ, પર્સ બધું છીનવી લેવામાં આવે, ઠંડા રૂમમાં રાખવામાં આવે છે, શૌચાલયમાં પણ જવા દેવામાં ના આવે, અને ના કોઈને ફોન કોલ કરવા દેવામાં આવે અને પછી તમારી ફ્લાઈટ પણ છૂટી જાય. આ બધું એટલા માટે થયું કારણકે મારા હેન્ડ બેગમાં પાવર બેન્ક હતું, જેને ત્યાંના સુરક્ષા કર્મીઓએ ‘સંઘીન’ માનીબેઠા.”

શ્રુતિ ચતુર્વેદી તેની સોશિયલ મીડિયા પોસ્ટમાં ભારતના વિદેશ પ્રધાન એસ.કે. જૈશંકર અને વિદેશ મંત્રાલયે ટેગ કરતાં લખ્યું, “મારે હવે કંઈપણ કલ્પના કરવાની જરૂર નથી કારણ કે મેં મારા જીવનના સૌથી ખરાબ 7 કલાક ગાળ્યા છે અને આપણે બધા જાણીએ છીએ કે આવું કેમ થયું.”

અગાઉ, શ્રુતિએ સોશિયલ મીડિયા પર તેના અલાસ્કા યાત્રાની તસવીરો પણ શેર કરી હતી અને તેના અનુભવ વિશે ઘણી પોસ્ટ્સ લખી હતી. પરંતુ આ નવી ઘટનાએ તેની યાત્રાના સમગ્ર વાતાવરણને બદલી નાખ્યું.