વાજતે ગાજતે નીકળ્યો અનંત અંબાણીનો વરઘોડો, એન્ટિલિયાના કર્ચમારીઓ મન મૂકીને ઝૂમ્યા, સામે આવ્યા વીડિયો, જુઓ

ઢોલ-નગારા સાથે નીકળ્યો અનંત અંબાણીનો વરઘોડો, મમ્મીનો રોલ્સ રોયસમાં જોવા મળ્યો લાડલા દીકરાનો જલવો, જુઓ તસવીરો

Anant ambani barat video  : રિલાયન્સ ઈન્ડસ્ટ્રીઝના માલિક મુકેશના નાના દીકરા અનંત અંબાણીના લગ્ન આજે થવા જઈ રહ્યા છે. વર્ષના સૌથી મોટા લગ્નમાં દેશ અને દુનિયાની મોટી હસ્તીઓ હાજરી આપી રહી છે. રાધિકા-અનંત અંબાણીના લગ્ન થોડા જ કલાકોમાં થવાના છે. દરમિયાન, અનંત અંબાણીની લગ્નનો વરઘોડો એન્ટિલિયાથી નીકળી ગયો છે.

આ દરમિયાન લગ્નના વરઘોડામાં મહેમાનો ડાન્સ કરતા હોવાનો વીડિયો સામે આવ્યો છે. જેમાં લગ્નના કેટલાક મહેમાનો અનંત અંબાણીની કારની સામે જબરદસ્ત ડાન્સ કરતા જોવા મળે છે. ફૂલોથી શણગારેલી અનેક લક્ઝરી કાર લગ્નના વરઘોડામાં જોવા મળે છે. હવેથી થોડા કલાકો પછી, બંને લગ્નના કપડાં પહેરીને ફેરા લેવા માટે તૈયાર જોવા મળશે.

લગ્નની તૈયારીઓ વચ્ચે મહેમાનોનું પણ આગમન શરૂ થઈ ગયું છે. અનંત અંબાણી અને રાધિકાના લગ્નમાં ઘણા વિદેશી મહેમાનો આવવાના છે. તેઓ એરપોર્ટ અને હોટલની બહાર પણ જોવા મળી રહ્યા છે. લગ્ન માટે ઘણા પ્રખ્યાત લોકો પહોંચ્યા છે.

અનંત અંબાણીના લગ્નની શાહી ઉજવણી શરૂ થઈ ગઈ છે. જેમાં દેશ-વિદેશની અનેક જાણીતી હસ્તીઓ પધારી છે. થોડા સમય પહેલા જ એન્ટિલિયાથી અનંતનો વરઘોડો નીકળ્યો, જેના માટે એન્ટિલિયાની બહાર ઢોલ-નગારા વગાડવામાં આવ્યા હતા.

અનંતની કરોડોની કિંમતની રોલ્સ રોયસ કારને લાલ અને સફેદ ફૂલોની ચાદરથી સજાવવામાં આવી છે. પરિવારના બાકીના ગાડીઓને પણ ફૂલોથી શણગારવામાં આવી છે. અનંત અંબાણીની જાનમાં એન્ટિલિયાના કર્મચારીઓએ મન મૂકીને ડાન્સ કર્યો હતો.