હવે તમારે જાદુઈ શો જોવા માટે કોઈ સર્કસમાં જવાની જરૂર નથી. આજકાલ, ઘણા લોકો સોશિયલ મીડિયા પર જાદુઈ યુક્તિઓના વીડિયો બનાવે છે અને શેર કરે છે, જે ખરેખર આશ્ચર્યજનક હોય છે. આવી સ્થિતિમાં, એક કોલેજના વિદ્યાર્થીની કાર્ડ ટ્રીક એ ઇન્ટરનેટ યુઝર્સને આશ્ચર્યચકિત કરી દીધા.
વીડિયોમાં બોસ્ટન યુનિવર્સિટીનો આ વિદ્યાર્થી લોકોને પત્તાની રમત રમવાનું કહે છે. સાચા કાર્ડનો અંદાજ લગાવ્યા પછી લોકો આ યુક્તિ પર વિશ્વાસ કરી શકતા નથી અને મૂંઝવણને કારણે માથું ખંજવાળવાનું શરૂ કરે છે. આ જાદુગરનું નામ હેનરી ડી છે, જે વિદ્યાર્થી હોવા ઉપરાંત કન્ટેન્ટ ક્રિએટર પણ છે. હેનરી તેના ઇન્સ્ટાગ્રામ એકાઉન્ટ @enriquethemagician પર દરરોજ જાદુઈ વીડિયો બનાવતો રહે છે.
આ દરમિયાન, તેના એક જાદુઈ વીડિયોએ લોકોને તેના ચાહક બનાવી દીધા છે. આ જાદુઈ યુક્તિના વીડિયોને 41 મિલિયનથી વધુ વ્યૂઝ મળ્યા છે. વીડિયો વાયરલ થતાં જ ઘણા લોકોએ તેની કાર્ડ ટ્રીકની પ્રશંસા કરી. જ્યારે ઘણા નેટીઝન્સે દાવો કર્યો કે તેણે ફ્લિપિંગ એક્ટ દરમિયાન કેમેરા પર 4 ઓફ ક્લબ્સ કાર્ડ વધુ બતાવીને લોકોને આ નંબર પસંદ કરવા દબાણ કર્યું હતું.
