ગુપચુપ સગાઇ બાદ કરોડપતિ બિઝનેસમેનની દુલ્હન બની આ એક્ટ્રેસ- શેર કરી શાહી લગ્નની તસવીરો

ચોરી છુપે દુલ્હન બની ટોપ એક્ટ્રેસે કરોડપતિ બિઝનેસમેન સાથે લીધા ફેરા, કમળના ફૂલોમાં લાગી લક્ષ્મીનું રૂપ

કરોડપતિ બિઝનેસમેન સાથે લીધા સાત ફેરા, છુપી રીતે સગાઇ બાદ દુલ્હન બની એક્ટ્રેસ- તસવીરો પર દિલ હારી બેઠા ફેન્સ

સાઉથની પ્રખ્યાત અભિનેત્રી પાર્વતી નાયરે તેના મંગેતર સાથે લગ્ન કરી લીધા છે. પાર્વતી નાયરે ઇન્સ્ટાગ્રામ પર લગ્નની તસવીરો શેર કરીને ચાહકોને ખુશખબર આપી. તસવીરો અને વીડિયો સામે આવતાની સાથે જ ચાહકો અને સોશિયલ મીડિયા યુઝર્સ નવપરિણીત કપલને અભિનંદન અને શુભેચ્છાઓ પાઠવી રહ્યા છે.

‘ધ ગ્રેટેસ્ટ ઓફ ઓલ ટાઈમ’માં થલાપતિ વિજય સાથે જોવા મળેલી અભિનેત્રી પાર્વતી નાયરે ચેન્નાઈના બિઝનેસમેન આશ્રિત અશોક સાથે લગ્ન કર્યા છે. પાર્વતી નાયર દુલ્હનના લુકમાં ખૂબ જ સુંદર લાગી રહી હતી. પાર્વતીએ હાલમાં જ તેની સગાઇની તસવીરો શેર કરી બધાને આશ્ચર્યમાં મૂકી દીધા હતા. સગાઈ પછી એક ઇન્ટરવ્યુમાં પાર્વતીએ કહ્યું કે તમે જેની સાથે તમારું જીવન વિતાવવા માંગો છો તે વ્યક્તિને નજીકથી જાણવું મહત્વપૂર્ણ છે.

લગ્ન વિશે વાત કરતા આ કપલે કહ્યું હતુ કે, “અમારા લગ્ન ચેન્નાઈમાં થશે, જે મલયાલી અને તેલુગુ સંસ્કૃતિનું મિશ્રણ હશે.” થોડા દિવસો પહેલા જ અભિનેત્રી પાર્વતી નાયરે ગુપ્ત રીતે સગાઈ કરી હતી, ત્યારે હવે તે કરોડપતિ બિઝનેસમેન આશ્રિત અશોકની પત્ની બની ગઈ છે. પાર્વતીએ લગ્ન માટે સોનેરી કિનારીવાળી પરંપરાગત હાથીદાંતની સાડી પહેરી હતી, તે તેના પતિ સાથે ખૂબ જ નિખાલસતાથી દરેક ધાર્મિક વિધિનો આનંદ માણતી જોવા મળી રહી છે.

પાર્વતીએ જે ફોટોઝ અને વીડિયો શેર કર્યા છે તેમાં આશ્રિત તેના ગળામાં માળા પહેરાવતો જોઇ શકાય છે. લગ્નની દરેક તસવીરો ક્યુટ છે. પાર્વતી-આશ્રિતે ગુપ્ત રીતે સગાઈ કરીને ચાહકોને ચોંકાવી દીધા હશે, પરંતુ તેમણે લગ્નમાં કોઈ કસર છોડી નથી. પાર્વતીના લગ્નના ઘણા વીડિયો પણ વાયરલ થઈ રહ્યા છે, પાર્વતીએ તેમના લગ્નના દરેક વિધિની ઝલક આપી જ્યાં પતિ તેની પત્નીની સંભાળ રાખવાનું વચન આપે છે.

ચાહકો પાર્વતી અને આશ્રિતને તેમના લગ્ન માટે અભિનંદન આપી રહ્યા છે. ‘ધ ગ્રેટેસ્ટ ઓફ ઓલ ટાઈમ’માં થલાપતિ વિજય સાથે જોવા મળેલ એક્ટ્રેસ પાર્વતી નાયર લગ્નમાં સોનાની કાંજીવરમ સાડી અને કિંમતી ઘરેણાંમાં લાઇમલાઇટ લૂંટી ગઇ. તેના ગળામાં કમળના ફૂલોની માળા હતી, જેમાં તે દેવી લક્ષ્મીના સ્વરૂપ જેવી દેખાતી હતી.

જણાવી દઈએ કે પાર્વતી નાયરે 2012માં મલયાલમ ફિલ્મ ‘Poppins’ થી પોતાના ફિલ્મી કરિયરની શરૂઆત કરી હતી. તેણે ‘Story Kathe’ ફિલ્મમાં એક પત્રકારની ભૂમિકા ભજવી હતી, જેના માટે તેને શ્રેષ્ઠ કન્નડ ડેબ્યુ અભિનેત્રીનો એવોર્ડ મળ્યો હતો. પાર્વતીની કેટલીક પ્રખ્યાત ફિલ્મો વિશે વાત કરીએ તો, Uttam Villain, Dizzy in the Evening, Fill in the Blanks અને Nimir નો સમાવેશ થાય છે.

આ ફિલ્મોથી તેને ખાસ ઓળખ મળી. તે એક પ્રખ્યાત મોડેલ પણ છે. તેણે ઘણી ટીવી જાહેરાતોમાં કામ કર્યું છે. Miss Navy Queen અને Miss Karnataka રહી ચૂકેલી પાર્વતી નાયરે તમિલ, મલયાલમ, તેલુગુ અને કન્નડ ભાષામાં 100થી વધુ જાહેરાત ફિલ્મોમાં કામ કર્યું છે. તેનો જન્મ સંયુક્ત આરબ અમીરાતના અબુ ધાબીમાં એક મલયાલી પરિવારમાં થયો હતો.